08-03-2023, Atu desenvolve no promove kultura Timor Leste, Quarta-feira neé, Sekretáriu Estadu ba Komunikasaun Sosiál, Merício Juvinal dos Reis “AKARA”, hamutuk ho komitiva hala’o vizita servisu hodi hare besik liu, kontrusaun uma lisan Boumandoki, hodi hare besik liu tan preparasaun no oinsa atu promove uma lulik sira neé, sai hanesan situs turistico nuneé fo benefisiu, ba familia no nasaun Timor Leste. Iha Aldeia Gueguemara- Lodudu, Suco Poetete, iha Postu Administrativu Gleno, Munisípiu-Ermera.
Objetivu husi visita neé atu hare besik liu tan oinsa, Timor Oan ida ida harií hikas sira nia uma lisan ka uma lulik nudar identidade ba nasaun Timor Leste, nomos atu desenvolve situs hitorico hira neé hodi promove liu husi utiliza plataforma dijital ba mundo nia matan nuneé loron ruma hetan visita husi turista domestico no estranjeiru.
Tuir Sekretáriu Estadu ba Komunikasaun Sosiál, Merício Juvinal dos Reis “AKARA” hateten, VIII Governu lideradu husi, Jenderal Taur Matan Ruak, liu husi Sekoms, nafatin tau prioridade ba promosaun uma lisan Timor Leste nian, liu liu iha Munisipiu Ermera hanesan uma lisan Boumandoki nomos uma lisan iha Timor-Leste laran tomak, tamba Timor Leste nia kultura diferente ho rai seluk tamba neé, presisa promove ba mundo nia matan hodi atrai, turista mai husi rai liur atu visita nunée fo, rendimento ba povu Timor Leste.
“Ha’u kontente loos visita Munisipiu-Ermera no mai iha uma lisan Boumandoki hodi hare besik oinsa uma lisan neé halo tuir fali beiala sira nia liman rohan hodi tranmite ba jerasaun tuir mai nomos bam undo liu husi promosaun no promove utiliza plataforma dijital, tamba iha rai barak kultura kontribui makas ba nasaun nia desenvolvimentu”. Hateten “ AKARA”.
Lider Jerasaun foun nemoos salienta tan ho pensamento kritiku no matenek tebes katak maske lisan mak sai hanesan identidade Timor Leste maibe sidadaun hotu, inklui uma lisan Boumandoki nian ema sira atu investe makas iha Edukasaun, dalabarak mos inan aman latau importansia bao an sira nia edukasaun no kontinua tau prioridade ba lisan ikus mudansa globalizasaun alin barak maka lahetan oportunidade servisu nomos bele desenvolve sira nia aan.
Edukasaun ba oan sira agora nee presiza investe tamba neé SEKOMS nafatin tau impostansia ba Timor oan neébe matenek atu promove nuneé hetan atensaun husi ministerium kompetente nuneé bele hetan oportunidade aprende hodi compete sai lideransa iha futuru oin mai.
“Ha’u hakfodak kultura Ermera nian tamba, atu halo ka harii hikas uma lisan ida ka fo sai feto foun ida folin karau atus haat seidauk sura ho fahi, depois oho hotu hotu fahe malu han kompara ho Lospalos atu hafolin feto Lospalos ida ho folin karau 70 deit, ida neé diak maibe inan no aman presisa hanoin didiak karik animal hirak neé ita kontratu sai osan Ermera nia oan barak mak sai matenek”. hateten “AKARA”.
Iha biban nemoos, Lider kritiku ho matenek ne’e akresenta tan katak hanesan membru VIII Governu, representa mos Primeiru Ministru Jenderal Taur Matan Ruak, apelu nafatin ba inan no aman atu kuidadu saude oan sira nian no presisa kahur hahan ho nutritivu nunueé labele mosu nafatin malnutrisaun.
Tuir dadus husi organizasaun Internasional nomos Ministeriu saude katak iha Ermera malnutrisaun aas, tamba neé presisa kahur hahan sira neébé iha nutrisaun barak hodi fo han ba sira nuneé sira nia isin hetan vitamina makas hodi desenvolve sira nia kakutak ho matenek nuneé iha futuru sai lider ba Timor Leste.
Tuir Lia Nain Uma Lisan Boumandoki Marito Neves hateten sente onradu no kontente tebes hetan vizita husi exelensia Sekoms, tamba Lider lolos maka hirak neébé tuun dereta ghare povu nia kondisaun. Tamba neé povu fo fiar ba nia belun sira atu sai matan no tilun hodi luta ba povu nia moris diak lasaugati.
Wainhira toó iha area uma lisan Boumandoki lia nain sira simu ho harohan ba natureza hodi fo matak malirin ba VIII Governu nia mandate neébé suceso tebes nomos tebe hohananu tuir kultura hodi simu Sekoms ho nia ekipa.
Wainhira tama fatin lulik uma lisan Boumandoki nian SEKOMS ho nia komitiva hetan kuta ho kultura Poetete nian, nomos lok malus ba malu.
Antes fila reprezentante uma lisan Boumandoki entrega mos proposta ida ba SEKOMS hodi fasilita toó Secretaria Estadu Arte Cultura nia liman, maibe antes neé proposta refere toó ona iha Gabinete SEAC.
Comment