BOBONARO (MÍDIA SECOMS) — Primeiru-Ministru, Kay Rala Xanana Gusmão, tuir misa ba Segunda Domingu iha Tempu Ordináriu, Tinan A, ne’ebé hala’o iha Kapela Filhas da Caridade da Comunidade Canossiana (FDCC) Santa Madalena de Canossa, Ritabou, Maliana, Munisípiu Bobonaro, iha loron 18 fulan-Janeiru tinan 2020.
Selebrasaun Eukarístika ne’e lidera husi Xanxeler Dioseze Maliana, Padre Sancho Amaral, ne’ebé koñesidu nu’udar figura ida husi Igreja ne’ebé fó apoiu maka’as ba gerrilleiru sira, partikularmente ba Komandante em Xefe Kay Rala Xanana Gusmão, iha tempu rezisténsia.
Liturjia Liafuan nian inklui Primeira Leitura husi Livru Isaías (49:3, 5–6), Segunda Leitura husi Primeira Surat Apóstolu Paulo nian ba ema Korintu sira (1 Korinto 1:1–3), no Evanjellu tuir João (1:29–34).
Iha ninia reflesaun, Padre Sancho Amaral subliña katak leitura Eskritura sira ne’ebé proklama iha liturjia nu’udar prezente loroloron husi Kreda atu hametin povu nia fiar no orienta sira-nia moris espirituál. Liuhusi Primeira Leitura, Segunda Leitura, no Evanjellu, Maromak moris kontinua dirije ba Ninia povu. Liafuan ida-ne’e rejistu istória pasadu nian naroman ba moris ohin nian, kapasidade atu nakfilak fuan sira no fanu esperansa foun.
Nia subliña liután katak hodi medita iha liturjia, sarani sira hamutuk ho Kreda universál no loke an ba obra Espíritu Santu nian iha sira-nia moris pesoál. Reflesaun ida-ne’e subliña liuhusi konvite ida atu halo Maromak nia Liafuan sai konvite loroloron nian ba arrependimentu, rona, no fidelidade, atu Maromak nia Liafuan ilumina no gia duni sira-nia moris loroloron.
Iha biban hanesan, Primeiru-Ministru Kay Rala Xanana Gusmão hato’o mensajen espesiál ba foin-sa’e sira ne’ebé partisipa iha programa formasaun iha ámbitu komunidade Canossiana.
Nia fó hanoin ba sira katak durante tinan 24 funu nian, povu Timor-Leste hetan terus ne’ebé kle’an to’o nasaun nia katuas sira luta no salva nasaun.
Nia fiar katak joven sira presiza aprende husi sira nia katuas sira nia ezemplu ne’ebé luta tanba terus ne’ebé sira aguenta. Dezafiu ba jerasaun foin-sa’e ohin loron nian la’ós ona funu armadu, maibé liu-liu luta liuhusi edukasaun no harii karakter ba dezenvolvimentu nasionál.
Nia subliña, futuru nasaun nian iha joven sira nia liman, no tanba ne’e ezije sira atu hadomi sira nia rai liu husi estuda ho badinas, harii integridade, no prepara an atu asume responsabilidade ba nasaun iha futuru.
Nu’udar Komandante em Xefi iha períodu rezisténsia, Kay Rala Xanana Gusmão mós hato’o nia emosaun no saudades ba Padre Sancho Amaral, lider Igreja ida ne’ebé ho laran-metin akompaña povu nia luta
Nia fó hanoin kona-ba apoiu morál no espirituál estraordináriu hosi padre sira, ne’ebé sai fonte forsa ba luta-na’in sira hodi defende dignidade no liberdade nasaun nian.
(Fontes: Media G-PM)
Comment