Díli, 10 Janeiru 2020 – Difinisaun ba objetivu, vizaun, misaun no program prioridade sira importante atu dezenvolve setór komunikasaun sosiál iha Timor-Leste hodi kontribui ba prosesu dezenvolvimentu povu no nasaun.
Tema ne’e mak sai diskusaun iha aprezentasaun esbosu Polítika Nasionál Komunikasaun Sosiál (PNKS) entre pesoál tékniku ho dirijentes máximu sira SEKOMS nian, Sexta-feira ne’e, iha sala enkontru SEKOMS, Palásiu Governu, Dili.
Sekretáriu Estadu ba Komunikasuan Sosiál, S.E Merício Juvinal dos Reis “AKARA” apresia ho elaborasaun PNKS husi pesoál Tékniku SEKOMS tanba engloba ideia sira ne’ebé SEKOMS kontribui maibe husu atu halo formulasaun espesífikamente iha pontu importante balun hodi fo impaktu pozitivu ba dezenvolvimentu media nasionál.
S.E Merício Juvinal dos Reis “AKARA” hateten revitalizasaun, revizaun no reforma polítika nasionál importante atu dezenvolve setór komunikasaun sosiál tanba mundu tama ona ba iha era dijitalizasaun.
Diskusaun esbosu PNKS ne’e partisipa husi Xefe Gabinte, Diretór Nasionál no Asesór sira iha SEKOMS inklui Prezidente RTTL-EP no Prezidente TATOLI.
%20SEKOMS.){kind=link}
Comment