Jornalista Frontline husi Instituisaun Media sira simu vasina Covid-19, segunda-feira, loron 19 fulan-abril, tinan 2021, iha edifisiu SEKOMS, Palásiu Governu, Dili.
Hafoin simu vasina covid-19 “AstraZaneca”, jornalista Lafaek News,Mateus Loko, , hateten, atu kombate transmisaun lokál ba surtu Covid-19 maka Jornalista Frontline sira tenki simu Vasina covid-19 iha doze 1.
Loko reafirma katak antes ne’e mosu informasaun balun katak, depois simu vasina covid-19 “AstraZaneca” sei akontese moras ruma, maibé hafoin simu vasina jornalista sira ho kondisaun diak nafatin.
Jornalista husi lafaek News ne’e mós husu ba parte frontline liliu Jornalista sira tenki koopera ho pesoál saúde hodi simu vasina Covid-19 hodi kombate virus Surtu Covid-19 iha ita nia rai-laran, moras ne’e la’ós inimigu ne’ebé mak hatudu ann nia mai husi ne’ebé deit ita sei la haree.
Entertantu Jornalista Acacio Pinto hatutan, hanesan Timor-Oan, presisa koopera ho polítika Governu nian ba ema ne’ebé mak servisu iha frontline hodi simu vasina covid-19 “AstraZaneca”.
Nia mos husu ba nain ba media sira atu organiza jornalista frontline sira hodi simu vasina, tanba moras surtu Covid-19 ne’e, la’os akontese deit iha nasaun Timor, maibé iha mundu tomak.
Tuir pessoal saude sira katak, hafoin simu vasina refere sei mosu reasaun hanesan isin manas, laran sae,ulun moras oin halai no tan sira seluk.
Partisipa iha vasina ne’e jornalista frontline sira husi RTTL.EP, Tatoli.IP, GMN-TV, TVE-t, Independente, Timor Post, Timor News, Business Timor, Tempu Timor, Dili Post, Naunil, Rádiu LABEH no Loluwari.
Comment