Departamentu ba Peskiza no Análize Média
1. Departamentu ba Peskiza no Análize Média ho sigla DPAM, iha kompeténsia hanesan tuir mai:
a) Halo análize kualitativa no kuantitativa ba informasaun Governu nian ba públiku liuhosi meiu komunikasaun ne’ebé disponível;
b) Halo análize kualitativa no kuantitativa ba informasaun notisioza ne’ebé produz husi imprensa eskrita, eletrónika, online, nasionál no internasionál, ho interese ba MRLAP;
c) Asegura no promove relasaun ho meiu komunikasaun sosiál sira liu-liu oinsá respeita atividade hotu husi gabinete membru Governu sira;
d) Analiza no propoin programa no projetu kooperasaun internasionál iha área Komunikasaun Sosiál;
e) Propoin organiza semináriu sira iha área Komunikasaun Sosiál;
f) Promove ligasaun ho instituisaun Governu Timor-Leste sira seluk, hodi partilla sistema no espetativa inklui alarga impaktu husi servisu ne’ebé justu husi Komunikasaun Sosiál;
g) Rekolla informasaun kona-ba asuntu no tema hotu ne’ebé relevante ho atividade Governu no produz relatóriu no komunikadu imprensa kona-ba asuntu no tema hotu inklui halo diseminasao.
h) Prepara no propoin sistema insentivu Estadu nian ba Komunikasaun Sosiál, nune’e mós asegura fiskalizasaun ba lalaok servisu;
i) Partisipa iha artikulasaun ho servisu no organizmu Ministériu Negósiu Estranjeiru nian, iha reprezentasaun externa Estadu, iha planu multilaterál no bilaterál, ne’ebé refere ba setór meiu Komunikasaun Sosiál;
j) Avalia implementasaun polítika públika ba Meiu Komunikasaun Sosiál;
k) Ezerse atividade hotu ne’ebé atribui husi superiór sira.
2. DPAM lidera husi Xefe Departamentu ida, ne’ebé nomeadu tuir termu rejime jurídiku ba kargu diresaun no xefia husi Administrasaun Públika.