Sekretáriu Estadu ba Komunikasaun Sosiál, Merício Juvinal dos Reis “AKARA”, Hala’o Kampaña Nasionál Kombate HOAX no Promove Internet Saúdavel liu husi “Sensibilizasaun Literasia Dijitál iha Eskola Sekundáriu Téknika Vokasionál Grupu Téknokojia no Industria-ESTV-GTI, tersa-feira, loron 12 fulan-Jullu, 2022. Bekora, Dili.
Merício Juvinal dos Reis “AKARA”, iha era dijital agora Ema hotu livre uza media sosiál, maibé informasaun barak mak tama mai katak ema utiliza media sosiál ho negativu mak barak nune’e ho Edukasaun sivika ba sidadaun Timor importante, Liu-liu ba jovem no estudante sira.
Tanba nee, ’AKARA’’ afirma, tuir peskiza ne’ebe mak SEKOMS iha katak maioria jovem barak mak uza media sosiál, liu-liu plataforma sira hanesan Facebook, Instagram, WhatsApp, Tiktok no seluk tan.
SEKOMS husu ba jovem no estudante sira tenke uza ho matenek Tanba ne’e, SEKOMS sei Realiza Programa ida ne’e ba iha eskola hotu, atu nune’e jovem no Estudante Sira bele utiliza media sosiál ho lolos.
Governu preokupa tebes tanba maioria populasaun mak Kria informasaun falsa no Utiliza media sosial ho negativu, viola Direitu ema seluk nian.
“ Ate Agora SECOMS detekta ona ema hamutuk 120 resin mak uza ID falsu.
Ezekutivu ne’e afirma katak, iha Prossesu ida ne’e, Governu Hanoin katak , Edukasaun sivika mak tenke dahuluk, ho ida ne’e Estudante no jovem sira tenke Partissipa ho ativu no fahe tutan ba ema seluk.
Entertantu, objetivu kampaña ne’e hasa’e estudante sira nia konsiénsia utiliza plataforma dijitál no enkoraja estudante sira atu uza internet ho responsabilidade saúdavel no promove konteudu no kreatividade tu domina plataforma dijitál hodi kontribui minimiza HOAX liu husi FB, Youtube, instragram, Whatsaap no seluk tan.
Programa ne’e organiza husi SEKOMS, Oradór iha Sensibilizasaun ne’e, maka Padre. Luis Bonaparte do Rego, Reprezentante Diretora SEII, Maria Filomena Martins, no akompaña husi tékniku Espesializadu SEKOMS, Professores no Estudante sira husi Eskola Sekundáriu Téknika Vokasionál Grupu Téknokojia no Industria-ESTV-GTI.
Comment