S.E, Sekretáriu Estadu ba Komunikasaun Sosiál, Merício Juvinal doa Reis “AKARA”, hato Parabéns ba loron espesiál ba inan-feton sira iha Timor-Leste, loron ne’ebé Governu deside nu’udar Loron Nasionál ba Feto-Timor-Leste, koinsidénsia ho loron mate eroína boot, Maria Tapó, nu’udar onra ba feto timoroan hotu-hotu ne’ebé ho dedikasaun tomak no brani hodi hamriik hamutuk ho asuwa’in mane sira iha luta kontra okupasaun estranjeira durante tinan 24 nia laran, ne’ebé ikus mai ita sai duni nasaun ida LIVRE no INDEPENDENTE.
Durante Luta ba libertasaun ba Patria papel feto nian importante tebes, tanba ne’e atu luta ba libertasaun povu, SEKOMS liu husi VIII Governu Konstitusionál tau nafatin importansia ba papel feto nian iha kontextu Dezenvolvimentu iha aspetu oioin ba povu no nasaun Timor Leste nian.
SEKOMS sei nafatin akompaña Feto maluk sira nia atividade kreatividade hodi promove nafatin liu husi plataforma dijitál ne’ebe planeiadu no programadu.
𝐕𝐢𝐯𝐚 𝐅𝐞𝐭𝐨 𝐓𝐢𝐦𝐫𝐨-𝐋𝐞𝐬𝐭𝐞!
𝐅𝐞𝐭𝐨 𝐅𝐨𝐫𝐭𝐞, 𝐍𝐚𝐬𝐚𝐮𝐧 𝐅𝐨𝐫𝐭𝐞!
Comment