Sekretáriu Estadu Komunikasaun Sosiál, Merício Juvinal dos Reis “AKARA”, ensera formasaun Lideransa iha Aspeitu Transformasaun Konflitu iha Meius Komunikasaun Sosiál, ba reprezentante Grupu Feto ba Programa “Empoderamentu no Promove Feto Timor-Leste iha Meius Komunikasaun Sosiál”, sexta-feira, loron 13 fulan-Maiu, tinan-2022, iha sala enkontru SEKOMS, Palásiu Governu, Dili.
Merício Juvinal dos Reis “AKARA”, hatete SEKOMS apoiu formasaun ida ne’e hanesan meius ida atu promove liu hosi komunikasaun husi programa ida ne’e hodi fó espasu ba grupu feto sira iha erá dijitál ida ne’e iha meius komunikasaun barak hodi utiliza ba promove potensia di’ak liu tan.
SEKOMS husu ba Grupu Feto Potensiál sira atu dezenvolve kreatividade kria Youtube sira hodi promove nafatin kreatividade ne’ebé iha ona ba publiku.
“AKARA” mós apresia ba ekipa SEKOMS nia esforsu hodi realiza formasaun ba loron rua ba grupu feto potensiál ho susesu.
Entertantu formasaun ne’e, SEKOMS entrega premiu ba grupu feto potensiál sira husi reprezentante munisípiu lima ne’e kada munisípiu ida hetan dolar $450.
Iha serimónia enseramentu ne’e partisipa husi Diretór CEFTEC, Diretór DNPDML, Xefe Gabinete SEKOMS, Tékniku Espesializadu no funsionáriu SEKOMS no grupu feto Potensiál husi Munisípiu Dili, Munisípiu Manatutu, Munisípiu Ainaro, Munisípiu Manufahi no Munisípiu Cova-lima.
Comment