Sekretaria Estadu Komunikasaun Sosiál, realiza formasaun Lideransa iha Aspeitu Transformasaun Konflitu iha Meius Komunikasaun Sosiál, ba reprezentante Grupu Feto ba Programa “Empoderamentu no Promove Feto Timor-Leste iha Meius Komunikasaun Sosiál”, kinta-feira, loron 12 fulan-Maiu, tinan-2022, iha sala enkontru SEKOMS, Palásiu Governu, Dili.
Xefe Gabinete, Osorio Almeida, reprezenta Sekretáriu Estadu ba Komunikasaun Sosiál, Merício Juvinal dos Reis “AKARA”, iha abertura ba formasaun hatete, programa ne’e hodi fo oportunidade ba feto potensiál sira atu dezenvolve kreatividade soru tais, ortikultura no tan atividade inovadora no kreatividade sira seluk.
SEKOMS mós prontu atu fahe esprénsia ba grupu feto sira hodi hasae liutan kualidade tuir matadalan ka modul ne’ebé SEKOMS prepara ona.
Antes remata Osorio husu ba partisipante sira atu uza oportunidade ho di’ak hodi aprende no hatutan ba grupu seluk iha futuru.
Iha fatin hanesan formador Constantino Brandão, esplika antes ne’e ekipa SEKOMS vizita ona fatin grupu sira nian ne’ebé munisípiu balun no foku liu ba kreatividade produsaun materiál lokál alende suku roupa, soru tais, kuda modo notan atividade sira seluk.
Alende ne’e liu husi formasaun hodi garante sustentabilidade grupu feto potensiál sira nia ba futuru.
Formasaun ne’ebé hala’o husi SEKOMS ne’e hahú husi loron 12-13 fulan maio 2022, partisipante sira mai husi munsípiu lima hanesan, Munisípiu Dili, Munisípiu Manatutu, Munisípiu Ainaro, Munisípiu Manufahi no Munisípiu Cova-lima.
+7
0
People reached
9
Engagements
Boost unavailable
You and 8 others
Comment