SEKOMS partisipa Retiru datoluk VIII Governu Konstituisionál.

Sekretáriu Estadu ba Komunikasaun Sosiál, Merício Juvinal dos Reis “AKARA”, partisipa iha retiru datoluk VIII Governu Konstituisonál nian ne’ebé lideradu husi S.E Primeiru- Ministru, Taur Matan Ruak, segunda-feira, loron 3 fulan-agostu tinan 2020, iha Auditóriu Ministériu Finansas, Díli.

Objetivu husi retiru ne’e atu halo análize preliminár ba medida sira ne’ebé propoin husi Komisaun ba Elaborasaun Planu Rekuperasaun Ekonómika.

Komisaun ne’e liderada husi eis-Ministru Finansas, Rui Augosto Gomes, ne’ebé simu pose iha loron 18 fulan-juñu tinan 2020, ho misaun másimu atu iha loron neennulu nia laran, rekomenda ba Konsellu Ministru medida sira ne’ebé mak atu aprova no asaun sira ne’ebé mak atu ezekuta hodi rekupera ekonomia nasionál, ne’ebé mak tenke sistematizada no konsentrada iha Planu Rekuperasaun Ekonómika.