SEKOMS partisipa reuniaun Plenária iha Parlamentu Nasionál

Iha reuniaun ne’e, deputadu sira kestiona kona-ba publikasaun notísia husi média Tempo Timor, iha loron 06 fulan marsu tinan 2020, ho títulu la prienxe rekisitu, PR Lú-Olo duni fila Xanana Cs, ne’ebé tuir sira iha tendénsia atu hanaruk impase polítiku iha rai laran.

Alende ne’e, membru órgaun lejislativu mos preokupa kona-ba ezisténsia Vírus Corona, problema bee mos , estrada, lixu no enerjia eletrisidade ne’ebé la funsiona ho diak durante tempu udan, iha kapitál Díli.

Relasiona ho preokupasaun ne’e, Sekretáriu Estadu ba Komunikasaun Sosiál, Merício Juvinal dos Reis “AKARA” afirma sei aprezenta ba iha Reuniaun Konsellu Ministru hodi hetan solusaun.