by

Diálogu Komunitáriu importante atu lori Governu besik ba Povu.

Sekretáriu Estadu ba Komunikasaun Sosiál, Merício Juvinal dos Reis “AKARA”, konsidera diálogu komunitáriu importante atu lori Governu besik povu.Merício Juvinal dos Reis “AKARA”, bainhira hato’o nia diskursu iha diálogu komunitáriu, sexta-feira, loron 06 fulan-agostu, tinan-2021, iha suku Fahilebu, Postu-Administrativu Bazartete, Munisípiu Liquica.
“AKARA”, hatutan SEKOMS nia kna’ar mak fasilita komunikasaun hodi fahe informasaun lala’ok Governu nian iha tempu hanesan atu rona preokupasaun komunidade nian iha terenu no area rurais sira.
“Ha’u hanoin diálogu komunitáriu ne’e atu fasilita informasaun tanba ita bo’ot sira mak sai nain ba estadu, tanba ne’e Governu hakarak marka nia prezensa iha fatin hotu no iha responsabilidade hato’o prioridade Governu nian bai ta bo’ot sira” tenik “AKARA”.
Ezekutivu ne’e realsa katak husi diálogu ida ne’e mós presiza kolabora ho media no konsellu imprensa hodi divulga informasaun ba to’o nasionál.
Entertantu Xefe Suku Fahilebo Marcelino Da Cruz Agradese ba SEKOMS ne’ebe mak hakat to’o iha Suku Fahilebo, Espera katak Programa Naroman Ba Suku ne’e sei halo naroman iha suku fahilebo, tanba durante iha indpendensia nia laran fahilebo moris to’o oras ne’e difisil atu asesu ba eletrisidade, bee mós no estrada .
Enkuantu komunidade sira husu Ba VIII Governu atu dada lina eletrsidade no halo estrada tanba difikulta atu asesu ba merkadu mós inklui no bee mós ne’ebé mak durante ne’e Suku Fahilebo Enfrenta hela.
Suku Fahilebo kompostu husi Aldeia Tolu Mak Hanesan, Tuhilo Leten , Tuhilo Kraik No Fatuneso Ho Total Uma Kain 321 No Total Populsaun 1.646.

Comment

Leave a Reply

Your email address will not be published. Required fields are marked *

News Feed