Sekretáriu Estadu ba Komunikasaun Sosiál, Merício Juvinal dos Reis “AKARA”, hato’o afirmasuan ne’e, bainhria hala’o vizita ba formandu CEFTEC sira iha Unidade Relasaun Públika no Jestaun Krize, tersa-feira, loron 13 fulan-jullu, tinan-2021, iha Camara do Comercio Industria Timor-Leste-CCITL, Dili.
Merício Juvinal dos Reis “AKARA”, hateten hakarak asegura formasaun husi Diresaun Nasionál Teknika no Komunikasaun(CEFTEC-Sigla Portugés), tenke funsiona fali, tanba formandu sira kumpri ona protokolu saúde.
“Ohin ha’u mai haree, asegura formasaun sira ne’e kontinua nafatin tanba ho situasaun Coivd-19, kuaze fulan haat, ita nia formasaun la hala’o, importante tenke tuir protokolu ne’ebé fó sai husu MS. Tanba formandu sira hamutuk tolunulu agora tun ba metade, hodi mantein nafatin distansia sosiál no klasse troka malu hodi kumpri regra covid-19 ne’e”
SEKOMS informa iha Balide agora dadaun formasaun lingua Portugés no Lingua Tetún mós hahú ona, importante mós ba jornalista oinsá domina lingua. No mós iha Diresaun CEFTEC, hahú ona formasaun iha unidade rádiu, hakerek imprensa no multimedia Formasaun iha nivel 1 nian, hala’o iha fulan ida ho durasaun oras 80.
Ezekutivu hateten, prioridade SEKOMS nian, atu dezenvolve nafatin rekursu umanu la’os ba de’it Instituisaun Governu maibé ba mós seitór privadu no mídia sira.
Governante ne’e hatutan, iha formasaun ne’e hala’o tanba funsionáriu sira tuir ona vasinasaun covid-19 dahuluk hein kompleta deit vasina doze daruak nian.
SEKOMS mós enkoraja atu sira ne’ebé tuir formasaun tenke tuir vasina, tanba liu husi dalan vasina hodi kuidadu an no kuidadu mós ema seluk.
Aleinde ne’e Governante mós husu ba formandu sira atu aproveita oportunidade iha formasaun ne’e hodi aumenta skill, hodi sai ema ne’ebé hakna’ar an iha relasaun públiku, iha kapasidade hodi jere no komunika tuir formasaun tanba formasaun totál aplikante sira ne’ebé tuir selesaun hamutuk atus rua resin, maibe simu balu deit relasiona ho espasu.
Iha vizita ne’e akompaña husi Diretór Interino CEFTEC, no funsionáriu CEFTEC.
Comment