Sekretáriu Estadu ba Komunikasaun Sosiál, Merício Juvinal dos Reis “AKARA”, hato’o afirmasaun ne’e ba jornalista sira, bainhira lansa semináriu internasionál “Dezenvolvimentu ba Dijitalizasaun Global no nia impaktu ba Timor-Leste”, kuarta-feira, loron 07 fulan-jullu, tinan-2021, iha Sala reuniaun, Timor-Plaza, Dili.
Merício Juvinal dos Reis “AKARA”, hateten Governu iha reponsabilidade promove edukasaun sivika hodi prepara sidadaun uza plataforma dijitál ho matenek.
“Erá dijitál ne’e iha pozitivu no negativu hotu, ita iha responsabilidade prepara ita nia sidadaun, liu husi dalan kampaña nasionál Kombate HOAX no Promove Internet Saúdavel no kolabora ho parseiru sira inklui media hodi halo edukasaun sivika iha ida-idak nia kna’ar”. tenik “AKARA”.
“AKARA” hateten tan, atu hatene informasaun ne’ebé lo’os ba dahuluk tenke iha kapasidade kritiku no atu hatene informasaun mai husi ne’ebé antes like/share, ba daruak presiza iha kapasidade atu hatene informasaun simu ne’e loos ka lalos, ba datoluk ne’e tenke iha kapasidade atu hatene informasaun ne’e iha benefísiu ba nia familia no ba komunidade.
Ezekutivu ne’e dehan iha semináriu ida ne’e atu iha diskusaun oinsá pilar iha instituisaun ida-idak kontribui ba edukasaun sivika, ba media nina kontinua kontribui no divulga informasaun loos no kredivel, tenke verifika.
Governante ne’e hatutan Politíka Governu nian, promove literasia dijitál, promove internet saúdavel, kampaña nasionál kontra HOAX no presiza lei no regra atu regula violador sira.
Comment