Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o vizita ba Rádiu Komunidade Tatamailau, hodi rona no haree direta preokupasaun husi estrutura rádiu, tersa-feira, loron 14 fulan-setembru, tinan-2021, iha edifísiu rádiu “Tatamailau”Ainaru.
Iha vizita ne’e, Merício Juvinal dos Reis “AKARA”, husu ba estrutura rádiu komunidade Tatamailau atu halo funsionamentu di’ak ba servisu operasionál rádiu nian. No mós liu husi halo kooperasaun di’ak ho parseiru no Autoriedade munisípiu sira.
Iha fatin hanesan Administrador Minisípiu Ainaru, Leovigildo Amaral Pereira, garante katak sei tau planu orsamentu ba dezenvolvimentu media munisipál no rádiu komunidade Tatamailau Ainaru tinan 2023.
Iha vizita ne’e akompaña husi Administrador Minisípiu Ainaru, Leovigildo Amaral Pereira, Komandante PNTL, Marios V. Da Costa, Asesora Jurídiku SEKOMS, Diretór DNPDML, no Tekníku Espesializada husi SEKOMS.
Notísia kompleta sei fó sai tuir mai…
Comment