Sekretáriu Estadu Komunikasaun Sosiál, Merício Juvinal dos Reis “AKARA” hato’o afirmasaun ne’e bainhira vizita Rádiu Lliberdade, kinta-feira, loron 17 fulan-Fevereiru, tinan-2022, iha Edifísiu Rádiu Liberdade, Osindo3, Dili.
Liu husi entrevista Live Rádiu Liberdade ho Frekúensia Moduladu /FM 95.8, Merício Juvinal dos Reis “AKARA”, hateten Rádiu Liberdade iha kapasidade no kreatividade duni la’os deit atu rekolla no informa informasaun ba públiku maibé mós iha vontade di’ak atu eduka ema difisiénsia sira hodi haknar an ba vida jornalista.
Governante ne’e enkonraja estrutura Rádiu Liberdade atu dezenvolve di’ak liutan no kria kooperasaun diak ho Governu no entidade relevante sira hodi lori informasaun ba públiku.
Iha fatin hanesan, Francisco Gari, Diretor Rádiu Liberdade, agredese ba SEKOMS tanba vizita ona rádiu refere no rádiu Liberdade sei koopera ho SEKOMS atu luta hasoru Informasaun Falsu no kontinua kampaña ba iha pandemia Covid-19.
Vizita hanesan ne’e mos SEKOMS halo ona ba Rádiu komunidade balun iha Timor Leste hodi fó hanoin ba jornalista no mídia sira atu kobertura ho neutro ba kandidatu no Elisaun Presidensiál loron 19, marsu 2022.
Vizita Rádiu Liberdade ne’e akompaña mós husi Diretor Nasionál-Prmosaun no Dezenvolvimentu Mídia Lokál, Jose da Costa ho ekipa Tekniku Profesionál SEKOMS.
Comment