Mensajen ne’e transmiti husi Xefe Gabineti, Sekretária Estadu Komunikasaun Sosiál, Osorio Almeida iha enseramentu formasaun husi TIC, Timor.IP ba funsináriu Gabineti SEKOMS, loron 12 fulan maio 2022 iha sala reuniaun, SEKOMS, Palásiu Governu, Dili.
Iha Serimónia ne’e TIC,Timor, IP atribui mos sertifikadu ba formandu sira , tanba ne’e Xefe Gabinete Reprezenta Sekretáriu Estadu ba Komunikasaun Sosiál, Merício Juvinal dos Reis “AKARA”, iha nia enseramentu ne’e Osorio Almeida garante katak ho formasaun ne’e bele haklean koñesimentu di’ak liu tan ba funsionáriu SEKOMS hodi bele iha abilidade pratika atu bele jere funsionamentu portál “Boa Notísia”, hodi analiza notísia ne’ebé di’ak hodi publika iha Website.
Xefe Gabinete ne’e agradese no apresia ba TIC ho nia ekipa formadór sira nia apoiu no ajuda oinsá atu fasilita SEKOMS no husu nafatin atu iha kooperasaun servisu nune’e bele dezenvolve di’ak liu tan Website ne’e.
Entertantu iha Serimónia ne’e, Diretór Divizaun Dezenvolvimentu Sistema Aplikasaun(DSA), Justo Fernandes, mós agradese ba SEKOMS bele fó konfiansa ba Ajénsia TIC,Timor.IP, hodi dezenvolve sistema Website Boa Notisía.
Iha serimónia ne’e partisipa husi Tékniku Espesializadu SEKOMS, IT no Media SEKOMS nomós Ekipa husi Ajénsia TIC.Timor.
Comment