Lospalos – 18/10/22 Tersa Feira , Sekretáriu Estadu ba Komunikasaun Sosiál (SEKOMS) Hala’o Kampaña Nasionál Kombate Hoax no Promove Internet Saúdavel, Liu husi Sensibilizasaun Literasia Dijitál, ba Estudantes Sekundáriu Jerál Geral Nino Conis Santana, Postu Administrativu Lospalos, Munisípiu-Laútem.
Sekretáriu Estadu ba Komunikasaun Sosiál (SEKOMS), Merício Juvinal dos Reis “AKARA” hateten Governu liu hosi SEKOMS kontinua promove edukasaun sivika ba sidadaun sira hodi uza plataforma dijitál ho efektivu, sivilizadu tamba Governu nia pozisaun hodi utiliza plataforma dijitál ba humanidade.
Liu husi kampaña literasia dijitál no sensibilizasaun literasia dijitál, ne’e sidadaun bele uza plataforma dijitál ho matenek hodi kontribui ba desenvolvimento nasaun, tenik “AKARA”
“AKARA” mos informa liu tan katak, Hoax hanesan informasaun ne’ebé falsu la bazeia ba faktus, manipula ka inventa de’it informasaun hodi estraga ka manipula sidadaun sira atu labele fiar informasau loos.
“Dezenvolvimentu globál liu husi plataforma dijitál oi-oin hakarak ka lakohi ita hotu tenki hetan no uza, Governu sei la taka dalan ba sidadaun atu uza plataforma dijitál no Governu nia dever atu eduka nia povu sira atu utiliza internet ho matenek no saudável”
Tempu uluk uza telefone alkatel kompara hanesan uza telefone nebee ladun matenek agora mundu modernu ema hotu uza telefone matenek (smartphone) tamba ne’e ema ne’ebé maka uza telefone android tenki matenek ( smart people), dehan “AKARA”
Tuir Padre Pároku Lospalos ne’ebe sai mos orador iha Kampaña Nasionál Kombate Hoax no Promove Internet Saúdavel, Liu husi Sensibilizasaun Literasia Dijitál Pe. Tomas Carvalho Gusmao hateten katak, perspektiva Igreja ba iha média sosiál no Internet, iha mundu ne’e uluk iha kontinente lima, maka ASIA, AFRIKA,EROUPA, AMERIKA, AUSTRALIA NO OCEANIA, ne’ebé ohin loron dezenvolvimentu média ninian ba iha téknolojia iha kontinente ida de’it hanaran dijitál.
Pe. Tomas, ne’ebe sai orador ho tema Uza Plataforma Dijitál ho Saúdavel tuir Perspektiva Morál Uma Kreda Katolika Salienta liu tan katak, kreda nia hanorin meius komunikasaun ba uza média nia kna’ar mak ema hotu iha mundu ne’e iha direitu atu uza meius komunikasaun atu promove valores domin ninian, oinsá ema hadomi malu.
Iha Katemuku Igreja Katolika nian, iha no 2493 dehan, média atu serve bem komuns sosiedade ninian hanesan mós promove informasaun lialos justisa no solidariedade. Atu uza média ho di’ak, tenke uza vertude prudénsia, vertude justisa, vertudi temporansia.
Entertantu Reprezentante ONG Plan Internasionál João das Neves hateten, persentajem barak liu mak feto sai alvu arensement,(pelecehan) tanba nemak ONG Plan Internasionál ho nia papel ida mak nafatin haforsa no tau matan liu ba estudante feto wainhira utiliza plataforma dijitál tamba vitima barak liu maka feto no labarik sira.
SEKOMS mós husu ba Estudante (ESG) Nino Conis Santana atu kontribui hodi kombate Hoax no Promove Internet Saúdavel, nomós atu badinas lee no estuda barak kona-ba Plataforma dijitál hodi nune’e iha hanoin ne’é bé kritiku no matenek.
Iha kampaña nasionál kombate HOAX no promove internet saúdavel ne’e, partisipa husi Sekretáriu Jerál Administradór Laútem, Komandante Eskuadra PNTL Lospalos, Diretór, Professores no Estudantes (ESG)Nino Conis Santana Lospalos, Funsionáriu SEKOMS.
Comment