DILI (MÍDIA SECOMS) — Sekretáriu Estadu Komunikasaun Sosial Expedito Loro Dias Ximenes sai orador prinsipal iha Programa Tatoli Hakbesik ho tema ‘‘implementa lei komunikasaun sosial iha politika desentralizasaun administrativa no podér lokál’’ ne’ebé realiza iha estudiu TATOLI.IP, Farol Dili.
Iha programa TATOLI Hakbesik, Expedito Loro Dias Ximenes husu jornalista sira presiza dezenvolve aan iha Kapasidade intelektuál, tékniku, no profesionál nu’udar pilar tolu ne’ebé labele ketak hosi jornalista ida hodi garante kualidade informasaun, kapasidade intelektuál katak: hetan liuhosi dalan eskola formál, lee barak, no estuda barak hodi foti desizaun ne’ebé matenek. Kapasidade Tékniku: Dezafia jornalista sira hodi domina kbi’it foti dezenu, gravasaun, no hakerek notísia ho kualidade nian no Kapasidade Profesionál katak Forma liuhosi formasaun ne’ebé ne’ebe prefisional”.
‘‘Ba ha’u kolega jornalista sira tenke iha kapsidade tolu ne’ebé importante atu iha kapasidade intelektual, kapasidade tékniku no kapasidade profesional, kapasidade tolu ita hetan hosi kapsidade dalan ne’ebé la hanesan iha jornalista ne’ebé tenke formasaun, tenke eskola formal no tenke jornalista tenke lee barak estuda barak, ne’e hotu bele ajuda nia bainhira kapsidade tolu ne’e, atu hatete de’it katak loos duni bem star jornalista ne’e importante no husu liu-liu ba organizasaun no mídia sira tenke fó atensaun no governu bele fó orienta to’o iha mídia sira kona-ba sira ne’e, tanba ne’e empreza mídia sira desizaun’’. hateten Expedito.
Governante ne’e mos subliña papél jornalista nian la’os de’it nu’udar serbisu-na’in, maibé sira mós hanesan mensajeiru no misionáriu ne’ebé lori misaun espesiál hodi hato’o lia-loos no informasaun ne’ebé faktuál ba povu.
Kona-ba kestaun bem-estar no direitu ema ida, desizaun hosi jornalista ka profesionál sira atu muda fatin serbisu tanba buka kondisaun moris nian ne’ebé di’ak liu, ne’e sai nu’udar direitu pesoál no privadu ema ida-idak nian ne’ebé labele iha intervensaun hosi parte li’ur.
IX Governu liuhosi Sekretária Estadu Komunikasaun Sosial rekoñese mós kestaun ne’e, no to’o agora halo ona kooperasaun ho mídia sanolu resin lima (15) liuhosi apoiu.
Maski nune’e, Governu garante katak apoiu ne’e sei la interven ba polítika editoriál no liberdade imprensa, tanba Liberdade imprensa no liberdade espresaun mak sai nu’udar “ran no isin” ba demokrasia iha Timor-Leste.
Expedito Loro Dias Ximenes hato’o nia mensajen ba selebrasaun aniversáriu ba Ajénsia Noticiosa de Timor-Leste (TATOLI) ba dala sanolu, Governu hato’o parabéns no fó orientasaun estratéjika rua ba oin: Mak tatoli tenke sai Clearance House (Verifikadór), Tatoli tenke sai fatin hodi hamoos no verifika kualker informasaun ne’ebé laloos ka Hoax ne’ebé mosu iha mídia sira, no TATOLI sai Referénsia Mídia: katak tenke sai referénsia prinsipál ne’ebé fornese dadus no informasaun kompletu ba mídia sira seluk kuandu sira la marka prezensa iha eventu ruma.Ikusliu, husu ba públiku tomak atu matenek hodi uza mídia sosiál ho étika, morál, no responsabilidade.
Avansu teknolojia no Intelijénsia Artifisiál (AI) lori duni oportunidade boot ba moris loroloron nian, maibé mós lori risku boot.
Atu elimina risku hirak ne’e, verifikasaun ba informasaun mak sai xave prinsipál.
Comment