DILI (MÍDIA SECOMS) — Governu Timor-Leste, kinta-feira, loron 01 fulan-Outubru tinan 2026, formalmente aprezenta Proposta Orsamentu Jerál Estadu (OJE) 2027 ba Parlamentu Nasionál. Ministra Finansas, Santina José Rodrigues F. Viegas Cardoso, Ministra Finansas, Santina José Rodrigues F. Viegas Cardoso, akompañadu husi Vise-Ministru Asuntu Parlamentár, Aderito Hugo da Costa, no Sekretáriu Estadu Komunikasaun Sosial (SEKOMS), partisipa iha atividade ne’e.
Proposta OJE 2027 aprezenta montante total konsolidadu US$2.568,5 milhões (US$2,57 bilioens) ba Setór Públiku Administrativu. Ho tema “Hametin Reziliénsia liuhosi Transformasaun: Diversifika Ekonomia ba Futuru ne’ebé Sustentável”, OJE 2027 fó prioridade ba diversifikasaun ekonomia, no kontinua investimentu iha servisu públiku esensiál, infraestrutura, kapital umanu no reforma institusionál.
“OJE 2027 reforsa ligasaun entre prioridade Governu nian, rekursu ne’ebé disponivel no rezultadu ne’ebé ita hakarak atinji. Kuadru orsamental foun ne’e promove disciplina, transparénsia no efisiénsia ne’ebé di’ak liután, no iha tempu hanesan kontinua haforsa servisu esensiál no investimentu estratéjiku ba futuru Timor-Leste.” Sita Ministra Finansas.
OJE 2027 mos introdús abordagem no vizaun ida ne’ebé forte liután ba jestaun finansas públikas, ho separasaun klaru entre polítika ezistente no polítika foun. Kuadru Orsamental 2027 kompostu husi US$1,99 bilioens ba Estimativas Futuras (Forward Estimates), US$197,3 milhões ba Ajustamentu Despezas Baze (Estimativas Variasaun) no US$380,5 milhões ba Prioridades Polítikas Governu (PPGs).
Prioridades Prinsipál OJE 2027
Kapital umanu no servisu públiku: US$756,6 milhões, iha kuadru polítikas ezistente, atu suporta edukasaun, saúde, protesaun sosial, dezenvolvimentu kapasidade (kompeténsias) no servisu esensiál seluk.
Infraestrutura no servisu básiku: US$414,6 milhões atu suporta infraestrutura rurál, konektividade no asesu ba servisu básiku.
Dezenvolvimentu munisipál no teritoriu: US$171,6 milhões aloka ba munisípiu 13 no RAEOA, no aproximadamente US$277,9 milhões ba investimentu kapital teritoríal, ne’ebé envolve projetu 1.643, inklui projetu sira ne’ebé jere husi Ministériu Obras Públikas.
Perspetiva ekonomika no reforma orsamental: Kresimentu ekonomia non-petrólifera projetadu atu sa’e ba 4,6% iha 2027, no inflasaun mediu anual atu atinji 1,8% iha 2027. Governu kontinua reforsa efisiénsia despeza, mobilizasaun reseita doméstika, jestaun investimentu públiku no sustentabilidade fiskál.
Ministra Finansas, Santina José Rodrigues F. Viegas Cardoso, hateten informa, Hafoin submisaun ohin, Proposta OJE 2027 sei tama ba prosesu análize, apresiasaun no diskusaun iha Parlamentu Nasionál, tuir kuadru legál no prosedimentu parlamentár ne’ebé aplikável.
Comment