Informasaun ne’e hato’o husi Rui Maria de Araújo nu’udar porta-voz Sala Situasaun no Koordenadór Ofisiál Ligasaun ba Forsa Tarefa iha konferénsia imprensa ne’ebé hala’o segunda-feira ne’e iha Sentru Média, Sentru Konvensaun Díli,
Rui Araujo hatutak katak “maske iha ona aumentu restritu ba grupu foun ne’ebé mai husi kuarentena iha otél Lecidere no grupu seluk maka professor Portugés sira iha liquiça maibé to’o oras ne’e ekipa Vijilánsia Epidemiolójika iha Liquiça seidauk deteta kazu suspeitu foun ruma husi Liquica”
Entretantu, kona ba kazu suspeitu iha Postu Administrativu Hatulia, Aileu no Same, ekipa Vijilánsia Epidemiolójika no ekipa Laboratóriu Nasionál foti ona espesimen hodi submete ba teste laboratóriu no sei hein rezultadu.
Koordenadór Ofisiál Ligasaun ba Forsa Tarefa ne’e afirma liu tan katak entre ema sira ne’ebé iha kuarentena, iha ida mak presiza hetan asisténsia espesializada ho aimoruk ba ansiedade husi espesialista sira iha Ospitál Nasionál Guido Valadares, hodikalan nia toba diak no ohin nia kondisaun mellora no estável. Iha ida seluk ne’ebe ho kondisaun isin rua fulan ualu (8), muda ba fatin izoladu iha HNGV tamba iha mos sintomas ne’ebé relasiona ho nia kondisaun isin rua. Doutor espesialista sira akompanha hela, nia kondisaun diak hela no sei halo mos ezame laboratorial ba nia.
Porta-voz ne’e mós hateten, akipa formadór sira husi Institutu Nasionál Saúde – OMS, ONG Maluk Timor ho apoiu husi parseiru dezenvolvimentu sira, oras ne’e halo hela formasaun ba ekipa médiku sira ne’ebé servisu iha fasilidade saúde Rejiaun Administrativa Espesiál Oecusse-Ambeno (RAEOA). Nune’e mós fasilidade saúde sira iha teritóriu Timor-Leste, inklui Sentru Saúde Komunitária no Ospitál Referénsia sira hahú halo triajen ba kazu Infesaun Respiratória Aguda (IRA) hodi bele deteta posibilidade suspeitu iha komunidade nia leet.
Durante konferénsia imprensa, reprezenta Sala Situasaun, Sentru Integradu Jestaun Krize apela ba públiku atu rona no fiar de’it informasaun ne’ebé fó sai iha konferénsia imprensa ne’ebé Sala Situasaun, Sentru Integradu Jestaun Krize halo lor-loron, kontinua tau fiar ba Governu atu lidera prosesu prevensaun no mitigasaun ba Surtu COVID-19, kolabora no partisipa ho dixiplina iha distansiamentu sosiál, distansiamentu fíziku no ijiéne pesoál hanesan fase liman beibeik ho sabaun, uza máskara wa’inhira sai husi uma no tuur hakmatek iha uma ba’inhira laiha atividade importante iha ruma.
%20husi%20Grupu%20Portugés%20iha%20Liquica.%20Husu%20komunidade%20kontinua%20mantein%20pratika%20hijiene%20pesoal){kind=link}
Comment