Iha konferénsia imprensa ne’ebé hala’o iha domingu, loron 19 fulan-abril 2020, iha sala sentru média, CCD, porta-voz Odete Viegas atualiza katak dadus COVID-19 to’o loron ohin rejista tan kazu konfirmadu foun ida (1) hodi aumenta kazu konfirmadu ba sanulu-resin sia (19), rekupera ida (1) no pozitivu sanulu resin-ualu (18).
Kazu pozitivu ne’ebé aumenta mai husi otél Lecidere no ema ne’e nia viajen hahú husi Bandung ba Jakarta, liu mai kupang no kalan ida iha Atambua, no tama iha fronteira iha loron 31 Marsu 2020 no mai ho Bus ne’ebé Ministeriu Saude mak aluga no mai kedas iha kuarenten Otel Lecidere. Estudante sira hamutuk nain 41 mak lao hamutuk iha viagem refere.
Entretantu numeru kazu sira seluk rejistadu to’o ohin, iha suspeitu hamutuk atus tolu, ruanulu resin-tolu (323), kazu provável mantén ho ema na’in haat (4), kazu hein rezultadu sia-nulu resin rua (92) no negativu iha atus rua-walu (208).
Porta voz ne’e mós hateten, sidadaun hirak ne’e mai ho autokaru hanesan no fatin ikus ba sira mak otél Katuas ne’ebé konta ho estudante haat-nulu resin ida (41). Kona ba viajen husi kazu pozitivu foun oras ne’e Ministériu Saúde kontata ona ho instituisaun relevante iha Indonézia atu haree asuntu ne’e.
Relasiona ho “contact tracing” ne’ebé atu halo ho kazu positivu to’o Indonesia, porta-voz ne’e salienta katak ekipa vizilansia epidemiolójiku halo ona kontaktu ho parte Indonesia, nudar parte ida husi regulamentu internasional saúde atu buka informasaun ba sira nia sidadaun ne’ebé iha kontaktu ho kazu positivu ne’ebe ita rejista agora.
Konaba kondisaun atual no numeru pasiente sira iha sala Izolamentu, Odete Viegas konfirma katak to’o momentu ida ne’e dadaun, sira nia kondisaun diak hela no la hatudu ona sintomas. Konaba total ema iha Sala Izolamentu sae ona ba nain rua nulu resin-rua tamba sura hamutuk ho provavel nain haat. Maske nune’e sira tau iha fatin ne’ebe ketak-ketak iha Vera-Cruz no mantein hetan akompanhamentu ho professional saude sira.
%20ba%20COVID-19.%20Kazu%20konfirmadu%20aumenta%20ba%2019){kind=link}
Comment