iha sala reuniaun SEKOMS, Palásiu Governu, Dili.
Objetivu husi enkontru ne’e SEKOMS partilla informasaun ba Xefe Departamentu komunikasaun Sosiál UNTL ho Estrutura sira kona-ba resultadu husi vizita M-PCM ho SEKOMS fulan kotuk ba Indonésia hodi halo palestra iha UI, UPNVJ, prienxe podcast no halo lansamentu programa S2 iha ATMAJAYA, nomós vizita Estudiu CNE Indonésia (Transmedia Group) no atividade seluk tan. Durante vizita Eselénsia M-PCM no SEKOMS.
Iha oportunidade ne’e mós SEKOMS fo hatene ba Dosente UNTL sira atu follow-up informasaun sira durante vizita hodi halo koperasaun entre Universidade no Universidade sira ne’ebé iha área kapasitasaun, rekursu umanu (formasaun vokasionál, kontinua estudu S1,S2,S3 iha área komunikasaun sosiál, Relasaun Internasionál, Politíka), no troka ideia mós oinsá Timor-Leste bele utiliza erá dijitál iha tempu agora hodi halo efisiénsia iha birokrasia no fahe informasaun ho lalais ho kualidade ba sidadaun sira.
“Hanesan membru Governu ne’ebe tau matan ba iha área komunikasaun sosiál, hau transmite deit informasaun. No agora depende dosente no UNTL hodi ko’alia ho Universidade UI, UPNVJ no ATMAJAYA nune’e hodi utiliza imi nia otonomi kampus. kona-ba akordu G-G ha’u sei ko’alia ho Ministru Ensinu Superior no M-PCM” dehan “AKARA”.
Iha enkontru ne’e S.E, SEKOMS husu atu SEKOMS ho UNTL bele servisu hamutuk iha Survey Presepsaun Públiku ba média sira iha Timor-Leste.
Nomós konvida estudante UNTL husi departamentu komunikasaun sosiál hodi tuir kompetisaun “Kontent Kreator” youtube ne’ebe sei loke no anunsia ba públiku tempu besik ho intensaun atu hasa’e konteúdu pozitivu ho narasi edukativu, potensialidade Timor-Leste iha ba Mundu liu-liu nasaun viziñu sira.
Entretantu Xefe Departamentu Komunikasaun Sosiál UNTL, Marcelino Magno, apresia no kongratula ba SEKOMS, tanba bele partilla ona informasaun nomós loke ona dalan hodi bele iha koordenasaun servisu ho Universidade sira iha Jakarta Indonesia liu-liu UI, ATMAJAYA no UPNVJ.
“Ami sei hato’o informasaun sira ne’e ba iha ami nia Reitor no sei fo feedback no wainhira MOU ne’e lao ami sei konvida S.E SEKOM hodi hola parte” dehan Marcelino Magno.
Iha fatin hanesan, Marcelino Magno ho Docente sira konvida S.E, SEKOMS atu vizita Rádiu Akademika UNTL, Média UNTL no Laboratórium Komunikasaun UNTL, no sei konvida S.E SEKOMS hodi halo Palestra sientifiku Estudante foun husi Departamentu komunikasaun sosiál tinan akademiku 2023
Enkontru ne’e, partisipa husi Xefe Gabinete SEKOMS, Tékniku Espesializadu no Profesional Gabinete SEKOMS, no Koordenador media Gabinete SEKOMS
Comment