by

Liberdade Imprensa iha Timor-Leste hatudu rezultadu pozitivu iha Rejiaun Ásia

Loron 03 fulan-maiu konsidera nu’udar Loron Mundiál ba Liberdade Imprensa, iha ne’ebé mundu tomak selebra loron importante ida ne’e inklui Timor-Leste.

Relasiona ho selebrasaun Loron Mundiál Liberdade Imprensa, Sekretáriu Estadu ba Komunikasaun Sosiál, Merício Juvinal dos Reis “AKARA”, sente orgullu ho Liberdade Imprensa iha Timor-Leste tanba maske nasaun ki’ik, maibé Timor-Leste nia Liberdade Imprensa di’ak liu kompara ho nasaun sira iha Sudeste Aziátiku, iha ne’ebé Índise Mundiál kona-ba Liberdade Imprensa, hatuur Timor-Leste hanesan paíz ida ne’ebé hetan klasifikasaun di’ak liu ho pozisaun 17 husi nasaun 180 iha Sudeste Aziátiku relasiona ho nível liberdade nian ne’ebé fó ba jornalista sira.

“Governu hamutuk ho sidadaun no jornalista sira implementa duni regra no direitu sira ne’ebé hatuur ona iha artigu 40 no 41 Konstituisaun RDTL nian, ne’ebé ko’alia kona-ba “Liberdade Imprensa no Liberdade Espresaun” no liuhosi relatóriu externa hatudu katak implementasaun ne’e la’o di’ak tebes tanba kolaborasaun entre Governu no instituisaun mídia sira hodi asegura liberdade prinsipál ida ne’e, dehan “AKARA”.

Ezekutivu ne’e realsa Governu iha kompromissu atu kontinua garante Liberdade Imprensa Timor-Leste nian tanba jornalista mak nu’udar alvu ba sentru informasaun no Governu sei kontinua fó apoiu ba serbisu jornalístiku nian hodi divulga informasaun ne’ebé loos no kredível ba públiku no kontribui ba kombate desinformasaun no promove “boa notísia” iha ita-nia rai-laran.

SEKOMS husu kolaborasaun husi instituisaun mídia no sidadaun sira atu asegura nafatin pozisaun Liberdade Imprensa ne’e no hein katak bele hetan klasifikasaun ne’ebé di’ak liután iha futuru iha Regiaun Asiátika no mós iha mundu.
Atu hetan informasaun liután bele kontaktu kordenadora mídia Gabinete SEKOMS Josefina Baquita Belo +670 77841836

Sekretaria Estadu Komunikasaun Sosial (SEKOMS) Palácio Governu Edifisíu n0.3 , Praça da Proclamaçăo, Díli Timor – Leste

Comment

Leave a Reply

Your email address will not be published. Required fields are marked *

News Feed