Sekretáriu Estadu ba Komunikasaun Sosiál, Merício Juvinal dos Reis “AKARA”, afirma papel mídia importante tebes hodi promove paz no kontribui ba situasaun hakmatek iha situasaun pandemia Covid-19 liuhosi divulgasaun informasaun ba públiku.
Merício Juvinal dos Reis “AKARA”, hato’o afirmasaun hirak ne’e ba mídia Gabinete SEKOMS, sexta-feira, loron 25 fulan-juñu, tinan 2021, iha edifísiu SEKOMS, Palásiu Governu, Dili.
“AKARA”, reforsa mídia tenki divulga informasaun ne’ebé loos no kredível ba públiku kona-ba kampaña vasinasaun Covid-19 nune’e labele hamosu konfuzaun iha komunidade nia leet.
Ezekutivu ne’e husu ba órgaun komunikasaun sosiál sira atu labele publika notísia ne’ebé iha tendénsia provokativu no halo propaganda tuir interese grupu nian hodi provoka no dezestabiliza situasaun.
Governante ne’e realsa “Peace Journalism” importante atu harii unidade nasionál iha luta kontra Covid-19 iha rai-laran liuhosi kampaña vasinasaun hodi aumenta imunidade hasoru vírus corona.
Comment