Sekrétariu Estadu ba Komunikasaun Sosiál, Merício Juvinal dos Reis “AKARA”, hato’o afirmasaun ne’e bainhira partisipa iha serimónia entrega ekipamentu komunikasaun husi UNICEF ba Diresaun Nasionál Promosaun no Dezenvolvimentu Mídia Lokál, kuarta-feira, loron 09 fulan-Fevereiru, tinan-2022, iha sentru Rádiu Metro, Kintal Boot, Dili.
Merício Juvinal dos Reis “AKARA” hatutan, kooperasaun entre UNICEF ho SEKOMS la’o kleur ona liga ba programa rejistu moris, nafatin promove diretu labarik no programa sira seluk.
Iha biban ne’e, Ezekutivu agradese ba Governu Japaun liuhosi UNICEF ne’ebé apoia ona ekipamentus ba rádiu komunidade liu husi DNPDML.
Governante ne’e husu ba Diresaun-DNPDML atu asegura ekipamentus hirak ne’e no jere ekipamentus komunikasaun rádiu movel ho transparante ba interese komunidade nian liliu hodi promove direitu labarik no hasa’e kualidade informasaun ba komunidade iha area rurais.
Entertantu, Espesialista Komunikasaun, United Nations Childre’s Found-UNICEF Timor Leste, Rukshan Ratnam husu ba SEKOMS-DNPDML no rádiu komunidade sira atu uja ekipamentu hirak ne’ebé iha ba promosaun labarik nia direitu iha Timor leste.
Rukshan mós hateten kooperasaun UNICEF ho SEKOMS ne’e hodi fahe informasaun ba públiku kona-ba labarik nia lian no Ratnam mos husu ba inan aman sira atu ba rejista oan sira nia moris hodi hetan protesaun di’ak liutan iha futuru.
Teknikamente, Diretor Nasionál PDML, Jose da Costa hateten, ekipamentu hirak ne’ebé UNICEF apóiu sei konsentra iha Diresaun no uja ba nesesidade rádiu komunidade nian liliu transmisaun ne’ebé hala’o iha área rurais no fatin sira ne’ebé frekuénsia rádiu la kobre.
Hatan ba mekanismu uja iha Rádiu Komunidade, Jose da Costa hateten, ekipamentu rádiu movel set tolu (3) nee sei jere tuir pedidu husi rádiu komunidade sira.
UNICEF intrega ekipamentu rádiu movel set tolu (3)mak hanesan, Antena, transmiter, gravasaun no tan ekipamentu sira seluk.
Comment