Apresiasaun ne’e hato’o husi Sekretáriu Estadu ba Komunikasaun Sosiál, Merício Juvinal dos Reis “AKARA”, bainhira simu vizita kortejia ida husi Reprezentante Unicef, Bilal Aurang Zeb Durrani, kuarta-feira, loron 11 fulan-agostu, tinan-2021, iha sala reuniaun SEKOMS, Palásiu Governu, Dili.
Merício Juvinal dos Reis “AKARA”, hateten durante ne’e UNICEF halo kooperasaun di’ak ho SEKOMS kuaze tinan sanulu resin ida ona liuliu apoiu rádiu komunidade.
“Kooperasaun sira ne’e ita mantein kontinua kolabora ho rádiu komunidade no apoia, maibe iha ideia foun apoia iha literasia dijitál, promove internet saudavel, sentru informasaun iha suku sira , nune’e jovem no labarik sira bele mós asesu ba informasaun”, dehan “AKARA”.
Governante ne’e esklarese, Programa Naroman ba Suku, iha atividade hirak ne’eba UNICEF iha interese hakarak kolabora, liu husi diálogu komunitáriu apoia telekomfress, promove sentru formasaun iha nivel suku.
Ezekutivu ne’e hatutan tan, hanesan Governu apresia parseiru sira, hanesan UNICEF ne’ebé mós tau atensaun ba asuntu labarik sira.
Entertantu Reprezentante Unicef, Bilal Aurang Zeb Durrani, mós agradese ba SEKOMS ne’ebé halo kooperasaun servisu di’ak durante ne’e iha área televizaun, rádiu no mós iha área oi-oin, no espera vontade hodi kontinua koopera ho SEKOMS iha área sentru informasau suku atu envolve jovem no labarik sira iha suku.
Reprezentante ne’e hatutan tan, iha kooperasaun ne’e mós koa’lia kona-ba oinsá peskiza hodi hatene ema uza internet iha Timor-Leste.
Comment