Xefe Gabinete Sekretaria Estadu ba Komunikasaun Sosiál, Osorio Almeida, reprezenta Sekretáriu Estadu ba Komunikasaun Sosiál, Merício Juvinal dos Reis “AKARA”, asina kontratu ho Xefe Suku “FUAT Postu Administrativu-Iliomar-Munisípiu Laútem, Martins Pinto ho Xefe Suku Seloi Kraik- Minisípiu Aileu, Gabriel Mendonsa, kuarta-feira, loron 29 fulan-setembru, tinan-2021, iha edifísiu SEKOMS, Palásiu Governu, Dili.
Xefe Gabinete, Osorio Almeida, representa Sekretáriu Estadu ba Komunikasaun Sosiál, Merício Juvinal dos Reis “AKARA”, atu Estabelese Sentru Informasaun Suku Ne’e nune’e bele divulga informasaun husi Suku ba Nasionál no mós nasionál ba suku no Aldeia sira.
Osorio Almeida hatutan tan kona-ba Orsamentu ba Sentru Suku refere haree liu ba pedidu ne’ebé mak sentru sira diriji ba iha SEKOMS no mós haree liu ba ba avaliasaun no kreatividade iha sentru refere.!
Iha sorumutu ne’e, Diretór Diresaun Nasionál Promosaun Dezenvolvimentu Mídia Lokál José da Costa husu ba jestór ho koordenadór Sentru Informasaun Suku sira atu jere ho di’ak atu nune’e bele fo informasaun ne’ebé mak ho lolos no atividade sira ne’ebé mak iha suku ba komunidade to ba nasionál.
Iha fatin hanesan Xefe Suku “FUAT” Martins Pinto, Agradese SEKOMS no DNPDML, tanba estabelese ona Sentru Informasaun Suku Hodi hasa’e kapasidade juventude sira liliu iha área komunikasaun sosiál.
Entertantu MAPKOMS liu husi SEKOMS iha tinan 2019 estabelese ona sentru informsaun Suku Hamutuk sanulu no iha tinan ida ne’e aumenta tan ba rua mak hanesan Suku “FUAT” Ho Suku “Seloi Kraik”.
Comment