Sekretáriu Estadu ba komunikasaun Sosiál, Merício Juvinal dos Reis “AKARA”, hato’o lia ne’e bainhira simu vizita Kortejia husi Embaixador Portugal iha TL, Jose Pedro Machado Vieira no Institutu Camões.
Hafoin remata enkontru, Merício Juvinal dos Reis “AKARA” hateten enkontru entre SEKOMS ho Embaixada Portugál no Institutu Camoes parte ida husi avaliasaun kona-ba kooperasaun ne’ebé durante SEKOMS halo ona ho Institutu Camões.
Ezekutivu ne’e hateten Projetu ne’e hahú ona iha 2016 foka liu ba formasaun ba jornalista sira no oinsá jornalista hakerek notísia ho lian Portugés ho kualidade no ema seluk mós bele kumprende.
Governante ne’e mos hatutan depois rona esplikasaun tékniku husi koordenadora CLJ Claudia Taveira hateten, progresu la’o di’ak kuaze jornalista 200 resin maka sai benefisiáriu ba projetu ida ne’e nia rezultadu maka jornalista sira hakerek notísia ho Lingua Portugés ho di’ak maske seidauk 100 porsentu maibé jornalista sira ne’ebé tuir formasaun ba Lingua portugés ba jornalista sira bele hakerek ona notísia ho lingua portugés iha pursentu 80 hanesan ne’e.
“AKARA”, hatutan, Projetu ne’e sei kontinua tanba tuir avaliasaun husi Institutu Camões nota katak iha progresu bo’ot ho nune’e institutu nafatin apoia no servisu hamutuk SEKOMS hodi kontinua projetu ne’e ba oin wainhira to 2023 projetu ne’e finaliza ka remata jornalista sira maiória bele ona iha kapasidade halo notísia ho lingua Portugés, iha mós formasaun tékniku oinsá jornalista iha kapasidade iha área finansa matematika no seitor seluk seluk tanba jornalista sei halo kobertura ba área sira ne’e hotu”. hato’o “AKARA”
Iha fatin hanesan Embaixadór Portugál iha Timor-Leste, José Pedro Machado Vieira hateten Institutu Camões sei apoiu nafatin formasaun ba jornalista timor oan sira atu bele hakerek di’ak notísia iha lian tetum no portugés no formasaun refere sei kontnua to’o tinan rihun rua rua nolu resin tolu (2023).
Sorumutu ne’e hala’o iha Kuata-Feira ne’e, iha salaun Reniaun, SEKOMS, Palásiu Governu, Dili.
Comment