Sekretariu Estadu ba Komunikasaun Sosiál SEKOMS Merício Juvinal dos Reis “AKARA” hato’o lia ne’e iha abertura ba workshoop Fokus Grupu Diskusaun “Estabelesimentu Institutu Profisionál Komunikasaun no Multimedia (IPKOM-TL), tersa-feira, loron 27 fulan-jullu, tinan 2021, iha salaun-Delta Nova, Fomentu, Dili.
Merício Juvinal dos Reis “AKARA” hateten oitavu Governu konstitusionál apoia máximu ba setór komunikasaun sosiál iha timor leste hodi hasa’e kualidade no profisionalizmu jornalista iha nivel nasionál.
Aleinde ne’e Governante ne’e mos apresia ho mudansa iha konesimentu hakerek jornalista sira nian iha lian portugues.
Antes remata SEKOMS enkoraja partisipantes sira atu diskuti planu programas inklui kuríkulu IPKOM-TL ho di’ak antes implementa iha futuru.
Diretor interino CEFTEC Rafael da Silva Freitas hateten diskusaun refere ho objetivu atu halibur idea husi media sira hodi transforma Sentru Formasaun Téknika no Komunikasaun CEFTEC ba Institutu Profisionál Komunikasaun no MultiMedia Timor Leste (IPKOM-TL.)
Presensa iha diskusaun loron kida ne’e Diretor DNPDML José da Costa, tekniku Professional Espesializada SEKOMS, Konsellu Imprensa KI, reprezentante Assosiasaun Jornalista TLPU no AJTL, nain ba Media sira, Jornalista Senior, Estudante husi Departementu Komunikasaun Sosiál UNTL no UNITAL.
Comment