by

SEKOMS fó Formasaun ba Sentru Informasaun Suku Rotutu no Suku Liurai

Sekretaria Estadu Komunikasaun Sosiál, liu hosi Diresaun Nasionál Diseminasaun Informasaun organiza formasaun loron haat kona-ba Jestaun ba Sentru Informasaun Komunitária no Citizen Journalism ba estrutura no juventude sira iha Sentru informasaun Komunitária Suku Rotutu, munisipiu Manufahi no Suku Liurai iha Munisipiu Aileu. Formasaun ne’e hahú hosi loron 9 fulan Dezembru no termina iha loron 12 fulan Dezembru 2019.

Iha atividade formasaun ne’e, partisipante sira aprende oinsá atu halo jestaun ba sentru informasaun komunitária ne’ebé harii iha sira nia suku, halo diskusaun kona-ba Estatutu sentru Informasaun nian, aprende oinsá mak atu hakerek notísia hodi kontribui ba divulga informasaun ka promove poténsia sira suku nian ba públiku no ikus liu partisipante sira aprende oinsá mak uza ekipamentu sira hanesan kamera video no fotografia hodi prodús informasaun ho formatu video.

Antes organiza formasaun refere, SEKOMS atribui ona mós fundus ba suku rua ne’e ho objetivu atu harii sentru informasaun iha sira nia suku. Atividade sira nu’udár kompromisu ne’ebé SEKOMS iha, atu hodi naroman ba suku sira liu hosi Informasaun, ne’ebé nu’udár pakote ida hosi programa Governu iha Povu nia Le’et, “Naroman ba Suku” , ne’ebé SEKOMS lansa ona iha Suku rua ne’e iha fulan Jullu no Setembru liu ba.

Atividade hanesan sei halo iha semana oin iha suku Batumano, Postu Administrativu Atsabe, Munisipiu Ermera

Comment

Leave a Reply

Your email address will not be published. Required fields are marked *

News Feed