S.E, Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o enkontru ho Diretóra Ezekutiva Programa Monitorizasaun ba Sistema Judisiáriu(JSMP-Sigla English), Sra. Ana Paula Marcal, segunda-feira, loron 13 fulan-juñu, tinan-2022, iha sala reuniaun-SEKOMS, Palásiu Governu, Dili.
Objetivu husi audénsia ne’e JSMP aprezenta no husu SEKOMS nia hanoin sira kona-ba “Liberdade Asesu ba Informasaun” tuir artigu 40 Konstituisaun RDTL, inklui mos atu rona hanoin sira husi SEKOMS.
S.E, Merício Juvinal dos Reis “AKARA”, hateten iha faktus katak lei garante ona exersísiu ba direitu refere, maibé laiha limitasaun ruma husi inisiativa ne’e rasik.
Tamba né, pozisaun ne’ebé hatur ho faktus hirak tuir Artigu. 40. Konstituisauun RDTL, iha direitu atu fo informasaun no simu/hetan informasaun, Artigu 20. i 24. Ho prosendimentu administrativu ne’ebé regula direitu interessadu sira ba informasaun no prinsipiu administrasaun aberta/publiku no Dekretu-Lei n. 43/2016 iha 14 Outobru nebe regula regra relativa atu asesu ba documentos ofial sira.
Enkontru ne’e akompaña husi Xefe Gabinete SEKOMS, Tékniku Espesializadu SEKOMS no ekipa husi JSMP.
Comment