by

SEKOMS hala’o kampaña vasinasaun COVID-19 iha Postu-Iliomar

Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o kampaña vasinasaun COVID-19 ba komunidade Postu-Iliomar, iha lora’ik ne’e tersa-feira, loron 05 fulan-outubru, tinan-2021, iha Postu-Iliomar, Munisípiu-Laútem.

Iha Kampaña Vasinasaun COVID-19 nian ne’e, Merício Juvinal dos Reis “AKARA”, apresia autoriedade lokál no sentru saúde sira hodi enkoraja komunidade Iliomar sira hodi simu vasina.

“Primeiru Ministru, Taur Matan Ruak, liu hosi Konsellu Ministru haruka ami reprezenta Primeiru Ministru tenke mai halo kampaña vasinasaun ne’e, tanba Governu hadomi nia povu, hakarak salva povu husi luta hasoru pandémia COVID-19 no Variante Delta” dehan “AKARA”.

Iha kampaña Vasinasaun COVID-19 ne’e, Xefe Sentru Saúde Postu-Iliomar, Narcisio Camões hato’o numeru komunidade postu-ailiomar ne’ebé simu ona vasina Doze dahuluk atinji ona 69.72% sei hein tan rezultadu sei fó sai tuir mai.

Iha kampaña vasinasaun COVID-19 nian iha Postu-Iliomar, akompaña husi Administradór Postu-Administrativu Iliomar, Jacob dos Reis, Xefe Sentru Saúde Postu Iliomar, Narcisio Camões, no partisipa husi Enfermeiru/a Postu Iliomar, no Suku tolu husi Suku FUAT, AELEBERE no TRILOLO.

Comment

Leave a Reply

Your email address will not be published. Required fields are marked *

News Feed