Sekretáriu Estadu ba Komunikasaun Sosiál, Merício Juvinal dos Reis “AKARA”, kontinua hala’o kampaña vasina ba komunidade Postu-Iliomar, iha kuarta-feira, loron 06 fulan-outubru, tinan-2021, iha Postu-Iliomar, Munisípiu-Laútem.
Iha Kampaña Vasinasaun COVID-19 nian ne’e, Merício Juvinal dos Reis “AKARA”, hateten, Governu iha prinsipiu proteze ninia sidadaun sira atu labele mate tanba COVID-19.
“AKARA” husu nafatin ba komunidade sira atu hakbesik an nafatin ba sentru saúde sira hodi simu vasina hodi hasa’e imunidade forte luta kontra hasoru moras COVID-19.
SEKOMS mós husu ba komunidade iha postu-Iliomar atu labele fiar Lia Falsu ka HOAX ne’ebé espalla hodi hatauk komunidade sira hodi labele simu vasina.
Iha kampaña Vasinasaun COVID-19 ne’e, Xefe Sentru Saúde Postu-Iliomar, Narcisio Camões hato’o tan numeru komunidade postu-iliomar ne’ebé simu ona vasina Doze dahuluk atinji ona 71% numeru boot lih iha munisipiu lautem, sei hein tan rezultadu sei fó sai tuir mai.
Iha kampana Vasina ne’e marka prezensa husi Administrador Postu Iliomar, Diretór Saúde Munisípiu Laútem, Xefe Sentru Saude Munisipiu Dili, Comandante PNTL Postu Iliomar, Xefe SentruSaude Postu Ilomar, Xefe Gabinete SEKOMS no partisipa mos husi suku Iliomar 1, Iliomar 2 ho kanleu.
Comment