Sekretáriu Estadu ba Komunikasaun Sosiál, Merício Juvinal dos Reis “AKARA”, hato’o lia hirak ne’e, bainhira hamutuk ho Diretór Diresaun Nasionál Promosaun Dezenvolvimentu Media Lokál-DNPDML, Paulino Kintas, hala’o vizita no observa ba Rádiu Metro FM nia torre no transmisor, kuarta-feira, loron 28 fulan-abril, tinan 2021, iha Bekora-Kamea, Dili.
Merício Juvinal dos Reis “AKARA”, hateten Rádiu Metro FM tenki sai naroman hodi bele transmiti lian to’o Munisípiu no Aldeia sira.
“Transmiti informasaun ne’ebé los no kredivel labele ba deit fatin espesifiku, tenki mós halo alargamentu ida hodi bele to’o tan suku seluk ne’ebé seidauk asesu ba frekuensia Rádiu Metro FM nia, esforsu ann nafatin hodi bele to’o iha suku no aldeia hotu,” dehan “AKARA” Ezekutivu ne’e husu ba Diresaun Nasionál Promosaun Dezenvolvimentu Media Lokál-DNPDML, atu kria mekanizmu di’ak hodi moderniza rádiu Metro FM hodi sai hanesan rádiu ho karakteristiku metropolitanio nune’e teritóriu sira bele asesu hotu.
Comment