Governu liu husi Sekretaria Estadu ba komunikasaun Sosiál, Sensebiliza kampaña nasionál kombate HOAX no Promove Internet Saúdavel iha munsípiu Manufahi ne’ebé, hala’o lansamentu ba dahuluk, iha kuarta-feira, loron 13 fulan-outubru, tinan 2021, iha salaun SEKOMS, Palásiu Governu, Dili.
Sekretáriu Estadu ba komunikasaun Sosiál, Merício Juvinal dos Reis “AKARA” afirma kampaña ne’e atu sidadaun hotu-hotu bele kompriende utiliza mídia sosiál ne’e ho di’ak.
“ Sensibiliza kampaña nasionál atu hanorin sidadaun hotu hodi utiliza mídia sosiál ho di’ak hodi kontribui ba dezenvolvimentu nasionál nune’e bele minimiza lia falsu ne’ebé sempre mosu iha komunidade nia le’et HOAX ne’ebé espalla iha mídia sosiál kona-ba vasinasaun ba moras COVID-19 katak vasina sei fó impaktu negativu ba ema nia vida” tenik “AKARA”.
Ezekutivu ne’e, apela ba sidadun sira hotu atu uja mídia sosiál ne’e ho di’ak wainhira atu fahe ka share imformasaun ruma ba iha públiku liu husi mídia sosiál iha Facebook, YouTube no sitiu sira ne’ebe iha rede internet.
Iha okaziaun ne’e SEKOMS, Sei koordena ho Administrádor munisípiu sira hotu atu fahe informasaun ne’e ba suku no aldeia sira relasiona ho kampaña nasional ba sensebilisazaun kombate lia falsu ka HOAX no Internet saudavel.
Kampaña nasional kombate HOAX no Internet Saúdavel nível munisípiu ida ne’e hala’o ona ba dala rua, lansamentu ba dahuluk realiza ona iha fulan kotuk iha munisípiu-Laútem ho objetivu ne’ebe hanesan. Atu hanorin sidadaun iha munisípiu atu kontribui ba komabate lia falsu ka HOAX ne’ebe buras iha ita nia rai doben Timor”.dehan Juvinal “AKARA”
Governu liu husi SEKOMS servisu hamutuk ho Ministériu Saúde enkoraja sidadaun sira hotu atu simu vasina hodi hado’ok an husi pandemia moras COVID-19 ne’e, dehan “AKARA”.
Comment