Balibo- 15/10/22 Sekretáriu Estadu ba Komunikasaun Sosiál (SEKOMS), Merício Juvinal dos Reis “ AKARA” hato’o afirmasaun ne’e wainhira Sai Orador no Abertura iha Diálogu Forum Nasionál Editoriál ne’ebé Realiza Husi Konselllu Imprensa ( KI )Hodi Komemora Trajedia Balibo V ba Dala 47 Sabadu Semana liu ba iha Postu Administrativu Balibo, Munisípiu Bobonaro.
Merício Juvinal dos Reis “AKARA”, iha prosesu demokratizasaun hanesan demokrasia ida ne’ebé saúdavel, média iha papel importante tenke konsideraa no fo espasu hodi buras nafatin.
“Tuir hau nia perspetiva fundamentu importante ita sira servisu iha média bele kontribui makas liu ba dezenvolve pensamentu kritiku, hanesan fundamentu ba kna’ar jornalista média nian, sai autór ba sivilizasaun iha Timor-Leste”.
“AKARA” informa katak, Governu sei la julga produtu servisu journalista nian, tamba journalista halo tuir nia kna’ar atu ajuda nasaun no mundu hodi hetan sivilizasaun mais umanu liu husi media ne’ebé haknaar ba.
Wainhira julga produtu servisu journalista nian, neneik sei julga mós ema nia sentimentu. Tanba Liberdade espresaun laos problema profisional deit, maibe espresa sentimentu ida ne’ebe mak klean liu husi ema ida nia sentimentu.
SEKOMS husu média sira tenke sai ajente ba edukador hodi transforma no taiis diak liu informasaun hodi transmite matenek ba ema seluk nune bele ajuda dezenvolvimentu iha nasaun Timor Leste.
Governante ne’e hatete média servisu no tuir kna’ar ba autór sivilizasaun nomos mantein independénsia editoriál no governu mós sei la interven indepedensia editoriál.
Ezekutivu mós salienta média sira artikula pensamentu kritiku média nian, rasa ema nian atu hadia moris no nasaun nia di’ak.
“AKARA” mos dehan, média mós tenke sai ajente ba edukador, tanba média la’os instrumentu kuandu ema fo informasun simu deit, maibé tais tan filtru ba informasun sira edukativu liutan, para transmiti informasaun ne’ebé públika iha mídia ho nia valor, nune’e sidadaun bele edukadu.
Governante ne’e esklraese katak, média mós bele sai dezenvolvimentu ba rai ia ne’e, hanesan experénsia iha nasaun hotu hotu, ema dezenvolve an liu husi informasaun no komunikasaun.
“Se informasaun mak ita konkorda ne’e poder no forsa ida, entaun média sai dunik fatin ba informasaun komunikasaun hotu hotu hodi halibur ideia, rona informasaun, simu informasaun no passa informasaun”
Aleinde ne’e SEKOMS halo abertura ba Dialogu Forum Editoriál, ne’ebé realiza husi Konsellu Imprensa, nomos SEKOMS sai oradór ba Dialogu ne’e, ho Topiku ne’ebé SEKOMS “Ameasa Plataforma Dijitál no oinsá halo adaptasaun”
Partispa iha diálogu ne’e aleinde, SEKOMS bainaka no konvidadu de honra, asosiasaun Jornalista no média sira.
Comment