Ponilala – 25/11/22. Sekretáriu Estadu ba Komunikasaun Sosiál ( Sekoms ) Merício Juvenal dos Reis “AKARA”, partisipa kampaña loron 16 ativizmu Kontra Violênsia hasoru feto no labarik feto, lansamentu livru PAN-VBJ foun, Kinta feira iha Suco Ponilala, Postu Ermera Vila Municipiu Ermera.
Tema husi kampaña tinan ida ne’e maka ” Hamutuk Ita Hapara Violensia, TEMPU ONA HALO REVIZAUN BA LKVD”
Sekretáriu Estadu ba Komunikasaun Sosiál Merício Juvenal dos Reis “AKARA” ne’ebé lori Primeiru Ministru Jenderál Taur Matan Ruak (TMR) nia naran hateten, VIII Governu Konstitusional nafatin tau prioridade ba feto ho labarik feto. Esforsu nafatin ho meus oi-oin hodi minimiza violênsia hasoru feto ho labarik feto.
Timor-Leste hanesan uma, kompleta husi mane, feto, oan mane no oan feto. Tamba ne’e VIII Governu Konstitusionál, nafatin tane no halo politika diak liu hodi kontra violênsia hasoru feto no labarik feto, liu husi Sekretaria Estadu ba Igualidade no Inkluzaun (SEII).
Iha parte servisu mídia nian, governante ne’e husu atu journalista hotu-hotu, wainhira halo kobertura ba violênsia hasoru feto no labaraik feto, nafatin tane vitima ho dignu tuir lei ne’ebé vigor iha Timor-Leste.
Partisipa iha kampaña loron 16 ativizmu kontra violênsia hasoru feto no labaraik feto , no lansamento livru PAN-VBJ foun, maka membru parlamento nasional (Deputada ),Prezidente GMPTL,Ngo Asia Fundasaun, UN Women, Fokupers, Presidente KI,Korpu diplomatiku, komandante
PNTL Municipiu Ermera, Presidente Autoridade Munisípiu Ermera no komuidade enjerál.
Mídia Gabinete Sekoms.
Comment