Afirmasaun ne’e hato’o husi Sekretáriu Estadu ba Komunikasaun Sosiál, Merício Juvinal dos Reis “AKARA”, bainhira hala’o vizita kortejia ba Visé-Ministru Agrikultura no Peskas, segunda-feira, loron 26 fulan-abril, tinan 2021, iha edifísiu Visé-Ministru Agrikultura, Caicoli, Dili.
Merício Juvinal dos Reis “AKARA”, hateten, iha enkontru ne’e SEKOMS ho Visé-MAP, halo koordenasaun servisu Liga ba komunikasaun sosiál no mós oinsá Ministériu Agrikultura bele utiliza meius komunikasaun sosiál hodi divulga Informasaun kona-ba politíka no prioridade Ministériu nian hodi públiku bele akompana.
Governante ne’e realsa, SEKOMS prontu fasilita Ministériu Agrikultura liu husi Visé-Ministru Agrikultura hodi kontinua transmiti informasaun liu husi media nasionál sira, Rádiu Komunidade no mós liu husi plataforma dijitál ne’ebé agora dadaun ezisti.
Comment