Sekretáriu Estadu ba Komunikasaun Sosiál, Merício Juvinal dos Reis “AKARA”, reprezenta Ministru Asuntu Parlamentár no Komunikasaun Sosiál, Francisco da Costa Pereira Jerónimo, partisipa iha reuniaun Plenária, segunda, loron 08 fulan-marsu tinan 2021, iha Uma Fukun Parlamentu Nasionál, Dili.
Reuniaun plenária ba ohin loron, hafoin halo deklarasaun polítika husi bankada parlamentár deputadu sira mós hato’o sira nian preokupasaun hodi husu ba Ministériu Relevantes atu tau matan nafatin iha área Eletrisidade, Edukasaun, liuliu Cesta Bazika no Covid19
“Preokupasaun hirak ne’ebé ohin hato’o ami sei tenta atu hadia nafatin no ligadu ho kazu Covid19 Governu husu ba povu Rai doben Timor-Leste hodi tau nafatin fiar tomak ba hirak ne’ebé servisu iha Área Front Line atu hala’o nia kna’ar hodi salva guarda ita nian Rai husi Moras ida ne’e. Nune’e husu ba povu sira hotu atu hakmatek iha idak-idak nian hela fatin no kumpri regras protokolu ne’ebé iha tiha ona” tenik “AKARA”.
Comment