Sekretáriu Estadu ba komunikasaun Sosiál, Merício Juvinal dos Reis “AKARA”, hato’o afirmasaun ne’e, bainhira sai Oradór ba Workshop ne’ebé realiza husi Konsellu Imprensa ho tema Planu Estratejiku Konsellu Imprensa 2022-2027.
Merício Juvinal dos Reis “AKARA”, hateten, Mídia sai prioridade nasionál tanba ne’e Governu presiza apoiu rekursu umanu ba iha futuru fo kapasitasaun ba jornalista sira iha área sira hotu hanesan finansas, justisa no seluk tan, la’os deit hakerek 5w 1H maibe fó formasaun avansadu espesifiku ba jornalista sira oinsá sai jornalista ho professionál.
Workshop ne’e, hala’o iha segunda-feira, loron 13 fulan-Dezembru ne’e, iha Salaun Madre Carmelita, Maubara, Munisípiu Likisa.
SEKOMS ho Konselu Imprensa kolabora hamutuk hodi garantia meius komunikasaun no mós husu apoiu parseiru dezenvolvimentu fó formasaun ba jornalista hodi hasa’e kualidade notísia.
“AKARA”, prefere ba KI oinsá buka ema ho kualidade iha área komunikasaun liliu Timor ne’ebé ho esprensia kona-ba midia para oinsá analiza dezena no diskute kle’an funsionamentu mídia iha Timor-Leste ho kualidade.
Ezekutivu ne’e, husu KI tau nafatin atensaun ba rekursu humanu formasaun ba meius komunikasaun tanba agora iha área kobertura ne’ebé seidauk maximu, fó formasaun di’ak ba jornalista atu asegura sidadadun nia diretu ba informasaun.
Governante ne’e mós Husu KI atu nafatin halo monitorizasaun ba komunidade nia assesu informasaun atu Governu tau orsamentu bazea ba nesesidade no progressu no porsentu hira maka sidadaun sira assesu informasaun ga la’e iha televizaun, rádiu, jornál no mídia online atu Governu define hodi apoiu ba mídia ida ne’ebé komunidade sira assesu informasaun barak liu ho kualidade.
Comment