Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o sorumutu ho Prezidente Autoriedade Lokál Munisípiu Bobonaru.
Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o sorumutu ho Prezidente Autoriedade Lokál Munisípiu Bobonaru,Zeferino Soares, hodi halo koordenasaun servisu ba Dezenvolvimentu média iha Munisípiu, enkontru ne’e hala’o iha loron 17 fulan jullu tinan 2020 iha sala enkontru Autoriedade Lokál Munisípio Bobonaru.
Objétivu husi sorumutu ne’e, atu fasilita komunikasaun di’ak no habadak koordenasaun servisu hodi fasilita média iha munisípiu sira-nia servisu para bele hala’o kna’ar no ita bele halo interligasaun, dehan Merício Juvinal dos Reis “AKARA”
Iha enkontru ne’e mós koalia kona-ba infraestrutura balun ne’ebé presiza moderniza inklui dizitaliza infraestrutura balu para atividade balun realiza iha munisípiu halo kobertura hafoin bele interligasaun ho média nasionál sira mais versa, iha notísia nasionál bele transmite direta mai iha ne’e iha area rurais hotu bele akompaña.
“Hau hato’o vizaun ba señor Administrador maibé teknikamente Diretór sira sei mai koalia ho ekipa téknika apoiu ho Prezidente Autoriedade nian”.
SEKOMS mos Afirma katak, bele hahú tau atensaun iha tinan 2020 to tinan 2022, para konseitu dezenvolvimentu média munisípiu ne’e bele akontese.
“Atividade Naroman ba Suku ne’e, kontinua ita planu hela. Sentru Suku ne’e bele sai parte ida mós iha média munisípiu atu kontinua disemina informasaun iha área rurál sira inklui komunidade sira mak sai konsumidór husi média munisípiu,” nia tenik.
Aleinde ne Zeferino Soares mós dehan iha vontade tomak hodi ezekuta programa governu nian.
“Ohin ha’u mos simu ideia kapas ida husi SEKOMS atu dezenvolve média iha munisípiu. Ami prontu nafatin atu koopera no kolabora pólitika ne’ebé di’ak entaun ami prontu atu ezekuta”, dehan Zeferino Soares.
Comment