Sekretáriu Estadu ba Komunikasaun Sosiál, Merício Juvinal dos Reis “AKARA”, ofisiálmente halo abertura workshop Fokus Grupu Diskusaun “Estabelesimentu Institutu Profisionál Komunikasaun no Multimedia (IPKOM-TL),

Objetivu prinsipál husi diskusaun grupu ida ne’e atu rekolla opiniaun no sujestan husi parseiru sira hanesan asosiasaun jornalista sira, media na’in sira, jornalista senior sira, universitáriu no korpu dosente sira iha departementu komunikasaun sosiál no mos sosiedade sivil, hodi hadi’ak no defini modelu governasaun, kualidade kurikulu, nesesidade rekurusu umanu, no fasilidade apoia formasaun ne’ebé sei implementa iha futuru. Nune’e hadia kualidade informasaun ne’ebé habelar liuhusi meiu komunikasaun sira iha ámbitu nasionál, lokál no internasionál.

Iha workshop Grupu Diskusaun ne’e, partisipa husi reprezentante TLPU, AJTL, Rev. Madre Guilhermina Marcál, FDCC, Asesora Jurídika SEKOMS, Jornalista Senior sira, media na’in sira, Xefe Departamentu no estudante Komsos UNTL, Xefe Departamentu no estudante Komsos UNITAL, Formandu no Funsionáriu husi CEFTEC no media sira.