by

π’π„πŠπŽπŒπ’ π’πˆπŒπ” πŽπ‘πˆπ„ππ“π€π’π€π”π π‡π”π’πˆ 𝐏𝐌, ππ€π…π€π“πˆπ πŠπŽπ‘πƒπ„ππ€ π‡πŽ πŒπ„Μπƒπˆπ€

π’π„πŠπŽπŒπ’ π’πˆπŒπ” πŽπ‘πˆπ„ππ“π€π’π€π”π π‡π”π’πˆ 𝐏𝐌, ππ€π…π€π“πˆπ πŠπŽπ‘πƒπ„ππ€ π‡πŽ πŒπ„Μπƒπˆπ€ π‡πŽπƒπˆ πŠπŽππ“πˆππ”π€ πƒπˆπ•π”π‹π†π€ ππ‘πŽπ†π‘π€πŒπ€ π†πŽπ•π„π‘ππ” ππˆπ€π

Dili, 13-03-2023, Segunda feira ne’e, S.E, SekretΓ‘riu Estadu ba Komunikasaun SosiΓ‘l, MerΓ­cio Juvinal dos Reis “AKARA”, hasoru malu ho Xefe Governu JenderΓ‘l, Taur Matan Ruak hodi partilla kona ba aktividade servisu nia, Xefe Governu mos nafatin tau fiar ba SEKOMS kolabora ho MΓ©dia sira, hodi divulga informasaun ba pΓΊbliku ho lolos nune’e, populasaun sira bele hatene servisu Governu nian.

Objetivu husi enkontru ne’e mak nafatin partilla nomΓ³s publika informasaun ho loos ba sidadaun sira iha baze, tamba mosu distorsi informasaun sira ne’ebΓ© mak laloos ka (Hoax) kona-ba imajem, nomΓ³s lalaok Governu nian, durante mandatu tinan lima VIII Governu Konstituisaun nian liu liu kona-ba atinjimentu Governu nian.

Lider foin sa’e ne’e hato’o afirmasaun ne’e ba jornalista sira wainhira hala’o enkontru regular ho exelΓ©nsia Primeiru-Ministru, Jenderal Taur Matan Ruak, iha Palacio Governu.

β€œEnkontru ohin hanesan regular ho Primeiru Ministru koa’lia assuntu ida deit, Ha’u simu orientasaun oinsΓ‘ koordena nafatin ho mΓ©dia no jornalista sira, kontinua divulga informasaun atividade progresu atinjimentu Governu nian, no saidΓ‘ Mak Governu halo tanba remata ona mandatu Governu nian. SEKOMS iha programa β€œMeet The Press”, programa ne’e halao kada semana dala ida iha Kinta feira no komesa iha tuku 5 to’o tuku 6 lokraik ho durasaun horas ida,auditΓ³riu-PCM, PalΓ‘siu Governu,” hateten β€œAKARA”

Programa ne’e konvida Membru Governu no autoriedade kompetente no Prezidente Institutu PΓΊbliku sira hodi priense, no koalia ho jornalista sira nune’e hakbesik liu tan entre membru Governu ho jornalista sira. 80%, Membru Governu kuaze priense ona programa ne’e hodi partilla informasaun kona-ba Progresu servisu atinjimentu Governu nian no prioridade ne’ebΓ© sei implementa antes mandatu termina. Hateten β€œ AKARA”

Lider jerasaun foun ne’e mΓ³s afirma tan katak, ba oin SEKOMS, sei kontinua nafatin hala’o programa ida ne’e, Laos deit iha nivel nasionΓ‘l MaibΓ© sei priense mΓ³s nivel munisΓ­piu, Atu nune’e populasaun sira bele hatene servisu Governu nian. Programa Meet The Press, hanesan programa Governu hasoru malu ho mΓ©dia, . Ho objetivu ida deit, atu divulga atinjimentu saida deit Mak MinistΓ©riu ne’e halo.
Ezekutivu salienta katak, Primeiru Ministru Jenderal Taur Matan Ruak, hein feedback Husi mΓ©dia sira, kona-ba esplikasaun Husi Membru Governu ne’ebΓ© Mak inteteresante, nomΓ³s asuntu, publiku, komunidade.

SEKOMS mΓ³s esplika katak, maske seidauk iha peskiza kona-ba persepsaun pΓΊbliku kona-ba aprezentasaun Meet The Press, maibΓ© Husi publikasaun iha mΓ©dia sosiΓ‘l, kontextu ida hatudu katak, numeru ne’ebΓ© akompaΓ±a liu hosi Like, Live Streaming, maiΓ³ria ema assesu ho numeru aas. Tanba ne’e SEKOMS iha konkluzaun Ida katak, ema iha interrese hakarak rona no hatene informasaun Governu nian. Hateten β€œAKARA”.

Governante ne’e esplika liu hosi Meet The Press ne’e mΓ³s, akompaΓ±a katak, HOAX ka Propaganda Ataka Governu la hanesan tinan uluk, agora klaru tanba iha tinan demokrasia ida ne’e ema tenta atu hamosu informasaun lalos (Hoax) ba Governu.

SEKOMS mΓ³s informa ona membru Governu sira atu prienxe programa Meet The Press , mai ho dadus kompletu ka relatΓ³ruu ruma, antes programa ne’e remata bele fahe mΓ³s ba mΓ©dia sira bele akompaΓ±a nafatin. SEKOMS mΓ³s sei kolabora ho ANAPMA, kona-ba relatΓ³riu atinjimentu MinistΓ©riu hotu hotu nian, no sei halo rezumu no sei pΓΊblika mΓ³s iha Website SEKOMS nia atu publiku akompaΓ±aa nafatin.

Comment

Leave a Reply

Your email address will not be published. Required fields are marked *

News Feed