Sekretáriu Estadu ba Komunikasaun Sosiál, Merício Juvinal dos Reis “AKARA”, hamutuk ho ekipa saúde hala’o vizita ba Ernesto Pinto, pasiente ne’ebé foin rekupera husi nia moras “Stroke”hafoin simu vasina Astrajeneka doze dahuluk.

Vizita ne’e, hala’o iha tersa-feira, loron 05 fulan-outubru, tinan-2021, iha Suku Iliomar 1, Aldeia Iradarat, Postu-Iliomar, Munisípiu-Laútem.

Iha Vizita ne’e, Merício Juvinal dos Reis “AKARA”, observa direta no rona informasaun husi Doutor Leonel NS. Kapela, explika , moras ne’ebé Ernesto Pinto, innfrenta mak moras “Stroke” durante tinan haat no toba deit, maibé hafoin simu vasina doze dahuluk sona deit iha kama leten no depois de simu vasina hetan rezultadu di’ak nia mesak hader la’o mesak.

Depois vizita hotu, ekipa saúde sira hala’o kedan vasina ba komunidade sira iha Suku Iliomar1, Aldeia Iradarat.

Iha vizita ne’e akompaña husi Administradór Postu-Iliomar, Comandante PNTL Postu Iliomar, Xefe Gabinete SEKOMS, no Xefe Sentru Saúde Postu Iliomar.