by

CEFTEC Hahú Formasaun Iha Unidade Ualu.

CEFTEC Hahú Formasaun Iha Unidade Ualu.
Sentru Formasaun Téknika no Komunikasaun (CEFTEC-Sigla Portugés), hahú formasaun faze dahuluk iha tinan 2021 mak hanesan, ho Unidade Multimedia, Unidade Televizaun, Unidade Hakerek Imprensa, Unidade Rádiu, Unidade Komunikasaun iha Situasaun Krize, Unidade Komunikasaun Relasaun Públiku no Protokolu, Unidade Komunikasaun Lian Portugés Jornalizmu no Unidade Komunikasaun Lian Tetún Jornalizmu.
Formasaun ne’e, ofisialmente loke husi Sekretáriu Estadu ba Komunikasaun Sosiál, Merício Juvinal dos Reis “AKARA”, segunda-feira, loron 01 fulan-marsu tinan 2021, iha Auditórium, Muzeum Rezisténsia, Dili.
Merício Juvinal dos Reis “AKARA”, apresia ho servisu CEFTEC ne’ebé iha planu vizaun di’ak, hodi lori sentru ne’e ba oin hodi sai Institutu profisionál ida.
Lidér Másimu ne’e mós apresia ho parseiru sira husi Konsultóriu Lingua ba Jornalista sira-(CLJ-Sigla Portugés), Institutu Camões no Embaixada Portugál, ne’ebé kolabora no servisu hamutuk ajuda SEKOMS inklui fó rekursu umanu hodi kapasita no dezenvolve Lingua Portugés ba jornalista sira.
SEKOMS mós garante iha tinan ida ne’e espera ho númeru formasaun ne’ebé aumenta sei iha kualidade. Ba tinan 2021, formandu ne‘ebe sei partisipa iha formasaun iha CEFTEC hamutuk 225.
Governante ne’e mós husu ba formandu sira atu aproveita formasaun ne’e ho di’ak, liuliu media sira tenke aproveita no aprende, kumpri kode étika jornalizmu nian nune’e bele iha koñesimentu iha área komunikasaun sosiál.

Comment

Leave a Reply

Your email address will not be published. Required fields are marked *

News Feed