by

MAPKOMS Interinu Partisipa iha Reuniaun Konsellu Ministru

Ministru Interinu ba Asuntus Parlamentares no Komunikasaun Sosiál, Merício Juvinal dos Reis “AKARA”, partisipa iha reuniaun Konsellu Ministru, kuarta-feira, loron 30 fulan-Marsu, tinan-2022, iha sala reuniaun PCM-Palásiu Governu, Dili.
Konsellu Ministrus hala’o sorumutuk iha Palásiu Governu, iha Dili, no aprova projetu Dekretu-Lei, ne’ebé aprezenta husi Ministru Administrasaun Estatál, Miguel Pereira de Carvalho, kona-ba Fundu Espesiál ba Dezenvolvimentu Ataúro (FEDA). Fundu ida-ne’e iha personalidade jurídika, autonomia administrativa, autonomia finanseira alargada no autonomia patrimoniál. Iha objetivu atu finansia programa no projetu sira, anuál no plurianuál, ho karáter sosiuekonómiku no ambientalmente sustentavel, destina ba dezenvolvimentu territóriu no populasaun Munisípiu Ataúru nian.
FEDA prezide husi Prezidente Munisípiu Ataúro no tutela husi Primeiru-Ministru.
Aprova mós projetu Deliberasaun, ne’ebé aprezenta husi Ministru Koordenadór Assuntus Ekonómikus, Joaquim Amaral, iha ne’ebé Governu rekoñese no saúda manifestasaun ba interese investimentu privadu iha setór telekomunikasaun sira, liuliu ba instalasaun kabu fibra ótika ba rede telekomunikasaun sira. Ho deliberasaun ida-ne’e, Konsellu Ministrus define mós hanesan prioridade halo transmitasaun, husi órgaun no servisu administrasaun kompetente, ba prosedimentu administrativu ne’ebé presiza ba konkretizasaun investimentu privadu nian iha setór telekomunikasaun, tuir lei ne’ebé vigora.
Tuir projetu ne’ebé aprezenta husi Primeiru-Ministru, Taur Matan Ruak, Konsellu Ministrus delibera atu autoriza loke prosedimentu aprovizionamentu, liuhusi konkursu públiku internasionál, ba adjudikasaun kontratu ba konstrusaun “Jardim da Chama Eterna”, memoriál ida-ne’e ho símbolu aas tebes, ho objetivu atu konsentra rekoñesimentu ba ema sira ne’ebé mate iha funu laran. Ho deliberasaun ida-ne’e, Konsellu Ministrus autoriza Arkivu no Muzeu Rezisténsia Timor-Leste, I. P. atu asume kompromisu plurianuál relasiona ho ezekusaun obra konstrusaun “Jardim da Chama Eterna”.
Ikusliu, Konsellu Ministrus aprova projetu Rezolusaun Governu nian, ne’ebé aprezenta husi Ministru Interior, Taur Matan Ruak no Sekretáriu Estadu Protesaun Sivil, Joaquim José Gusmão dos Reis Martins, ba nomeasaun Ismael da Costa Babo hodi dezempeña kargu Prezidente Autoridade Protesaun Sivíl nian, iha rejime komisaun servisu, ba periodu tinan haat, sura husi data simu pose. Autoridade Protesaun Sivil mak entidade ezekutiva iha ámbitu nasionál ne’ebé regula atividade sira protesaun sivil nian no ninia Prezidente atua hanesan pontu fokál ba ligasaun ho nivel polítiku no sei halo jestaun operasionál, administrativu-lojístika no finanseira ba Sistema Protesaun Sivil tomak.

Comment

Leave a Reply

Your email address will not be published. Required fields are marked *

News Feed