Ministru Interinu Asuntu Parlamentar no Komunikasaun Sosiál, Merício Juvinal dos Reis “AKARA”, partisipa iha konferénsia reprezentante bankada parlamentares, kinta-feira, loron 31 fulan-Marsu, tinan-2022, iha sala konferénsia Parlamentu Nasionál, Dili.
Iha konferénsia ne’e deputadu sira diskute kona-ba ajendamentu reuniaun plenaria ba loron 4 fulan-Abril hodi koa’lia kona-ba projetu ho rezolusaun ba Parlamentu Nasionál, apresiasaun ho aplikasaun ba estadu emerjensia deklara husi dekretu lei Prezidente Repúblika noº 59/2020, loron 3 fulan-Setembru, renova fila fali to’o deklarasaun husi dekretu Prezidente Repúblika noº 95/2021, loron 26 fulan Outubru loron 5 fulan-Abril.
Entertantu deputadu sira halo mós diskusaun votasaun jeneralidade projetu lei noº 35/V/(4º) kona-ba Lei de Rádiudifuzaun.
Aleinde ne’e mós deputadu sira koa’lia kona-ba konta-jerál estadu tinan-2020 nian no asuntu relevante sira seluk.
Depois remata konferénsia reprezentante bankada parlamentares, Ministru Interinu Asuntu Parlamentar no Komunikasaun Sosiál, Merício Juvinal dos Reis “AKARA”, entrega termu livru aprovadu Orsamentu Jerál Estadu-2022 nian ba Parlamentu Nasionál no simu husi Prezidente Parlamentu Nasionál, Aniceto Guterres Lopes.
Comment