Sekretariu Estadu ba Komunikasaun Sosiál, hanesan mós Ministru Interinu Asuntu Parlamentar no Komunikasaun Sosiál, Merício Juvinal dos Reis “AKARA” hato’o afirmasaun ne’e hafoin simbolikamente lansa ona livru matadalan ba rádiu komunidade sira hodi fasilita servisu rádiu komunidade nian, iha sexta-feira, loron 01 fulan-Abril, tinan-2022, iha Edifísiu Rádiu Komunidade “Tokodede” Munisípiu, Liquica.
Merício Juvinal dos Reis “AKARA” hatete, Lori Ministru MAPKOMS Nia Naran Apresia Ho Esforsu Diresaun Nasionál Promosaun no Dezenvolvimentu Mídia Lokál ne’ebé hahú dezenvolve matadalan espesifiku ida ba rádiu komunidade sira atu uja iha tempu naruk,tanba ne’e SEKOMS hakarak lansa livru matadalan iha rádiu komunidade tokodede hanesan reprezenta rádiu komunidade sira”
“Hau husu mos ba diresaun sira iha MAPKOMS-SEKOMS atu partilla rejultadu servisu ba malu nune’e fo susesu servisu interligadu MAPKOMS-nian nune’e mos husu ba jornalista radiu komunidade sira bele bele hatene nia knar nune’e mos jestor no prezidenti konsellu sira atu orienta servisu tuir guiaun nebe’e iha ona” dehan “AKARA”
Antes remata “AKARA” husu ba jornalista sira atu promove publika informasaun loos no kredivel bazea ba faktu no evidensia
Iha fatin hanesan Diretór Nasionál PDML Jose da Costa hatete, esforsu ekipa DNPDML produs ona livru matadalan hodi orienta servisu RAKOM nian no husu ba utilizador sira la’o tuir giaun ka mata dalan ne’ebé iha hodi failita diak liutan knar sira iha futuru.
Jose da Costa hatutan, ekipa mos sei prepara hela giaun ba programa Naroman ba suku no Mídia Munisípiu nian sei remata mos iha tempu besik.
Entretantu livru ne’e sei distribui ba rádiu komunidade sanolu-resin-hitu ne’ebé hetan apoiu husi SEKOMS.
Lansamentu ne’e partisipa husi, Xefe Gabinete MAPKOMS, Diretór CEFTEC, Diretór DNPDML, no Tékniku Espesializadu SEKOMS, no jornalista sira.
Comment