Sekretáriu Estadu ba Komunikasaun Sosiál, Merício Juvinal dos Reis “AKARA”, hateten Governu assume kompromisu atu asegura nafatin Liberdade Imprensa no Liberdade Expresaun, konforme previstu ona iha Konstituisaun RDTL artigu 40 no 41 no Lei la fó dalan ba kualkér sidadaun atu halo sensura hasoru atividade jornalístika nian.
AKARA hato’o afirmasaun ne’e hafoin hasoru malu ho Primeiru-Ministru, Taur Matan Ruak, sesta-feira, loron 27 fulan-maiu tinan 2022, iha sala reuniaun PM-Rezidénsia Farol, Dili.
Ezekutivu ne’e afirma nia parte enkuantu hanesan Sekretáriu Estadu ba Komunikasaun Sosiál assume responsabilidade atu fó solusaun ba problema ne’ebé média sira hasoru, liuliu asuntu ne’ebé relasionadu ho justisa, sei prosesa tuir dalan legál, maibe ligadu ho Liberdade Imprensa no Expresaun, nia pozisaun hanesan SEKOMS iha responsabilidade atu kontinua garante Liberdade Imprensa no Liberdade Expresaun tanba mídia nu’udar pilár importante ba dezenvolvimentu demokrasia ne’ebé saudável.
“Ita sei la fó dalan ba se de’it atu halo atuasaun ba (kontinua tau afirmasaun sekoms nian nee)…”
Governante ne’e husu ba jornalista sira atu kontinua hala’o serbisu tuir Kódigu Étika Jornalista nian no média iha direitu ba resposta no halo konferénsia imprensa atu fó klarifikasaun liuhosi apoiu Konsellu Imprensa nian, nune’e bele hetan solusaun ba problema ne’e.
Merício Juvinal dos Reis “AKARA” realsa Governu sei asegura atu mídia sira bele kontinua hala’o knaar ho seguru, nune’e imajen Timor-Leste nian ba Liberdade Imprensa ne’ebé okupa pozisaun di’ak, ho klasifikasaun 17 husi nasaun 180 iha Rejiaun Ázia kontinua aseguradu.
SEKOMS reforsa komponente lima ne’ebé sei asegura nafatin serbisu jornalista sira-nia maka seguransa ba atividade jornalístika atu nune’e jornalista sira labele sente ameasadu bainhira hala’o sira-nia knaar, komponente seluk maka polítika, lei, sosiál no ekonomia, iha ne’ebé komponente hirak ne’e maka hatuur pozisaun globál hodi hetan valór di’ak ba Liberdade Imprensa no Liberdade Expresaun.
Comment